ப்...ப்...பீ...பீ...பாம்...பாம்

சென்னை சங்கமம் - தமிழர் கலைத் திருவிழா.

2010-01-11T10:12:00.000+05:30

இந்த ஆண்டின் 'சென்னைச் சங்கமம்' கலாச்சாரவிழா 10.01.2010 மாலை, சென்னைத் தீவுத்திடலில் பிரமாண்டமான அரங்கில் ஆரம்பமாகியது. தமிழக முதலமைச்சர் கலைஞர் கருணாநிதி கலந்து கொண்டு, சிறப்புரையாற்றி நிகழ்ச்சியை ஆரம்பித்து வைத்தார்.

நிகழ்ச்சியின் சிறப்பம்சமாக பலகலைஞர்கள் ஒன்றிணைந்து உருவாக்கிய 'பிறப்பொக்கும் ' நடன நிகழ்ச்சி இடம் பெற்றது.

சங்க காலம் முதல் தமிழர்களின் பாரம்பரியங்களைப் பிரதிபலிக்கும் நடனங்களின் தொகுப்பாக இந்நிகழ்ச்சி அமைந்திருந்தது.

தமிழர்களின் பல்வேறு கலை வடிவங்களுக்கும் நிகழ்ச்சியில் இடம் பெற்றன. பனை ஓலை, தென்னோலை முதலானவற்றைக் கொண்டு வித்தியாசமானதும் , அழகானதுமான மிகப் பெரிய அரங்கத்தில் இந்நிகழ்வுகள் நிகழ்ந்நதன.

நிகழ்ச்சியில், துணமுதல்வர் ஸ்டாலின், மத்திய அமைச்சர் தயாநிதி மாறன், மத்திய அமைச்சர் ஆ.ராசா, மத்திய இணை அமைச்சர் ஆர்.ஜெகத்ரட்சகன், உட்பட மேலும் அமைச்சரக்ளும், நாடாளுமன்ற உறுப்பினர்கள், சட்ட மன்ற உறுப்பினர்களும், அரச அதிகாரிகளும் கலந்து கொண்ட, விழாவைக் கண்டு மகிழ்ந்து சிறப்பித்தார்கள்.

இன்று முதல் வருகிற 16-ந்தேதி வரை, 17 இடங்களில் மொத்தம் 4 ஆயிரம் கலை நிகழ்ச்சிகள் நடத்தப்படுகின்றன. 2 ஆயிரத்துக்கும் மேற்பட்ட கிராமிய கலைஞர்கள் இதில் பங்கேற்கிறார்கள்.

மைலாப்பூர் நாகேஸ்வரராவ் பூங்கா, தியாகராயநகர் நடேசன் பூங்கா, கே.கே.நகர் சிவன் பூங்கா, போகன் வில்லா அண்ணாநகர், வளசரவாக்கம் பெரியார் விளையாட்டுத் திடல் ஆகிய இடங்களில் காலை 6 மணி முதல் 7.30 மணி வரையிலும், மாலை நேரங்களிலும் கலைநிகழ்ச்சிகள் நடக்கின்றன.

வள்ளுவர் கோட்டம் சுதந்திர தின பூங்கா, ஷெனாய் நகர் திரு.வி.க.பூங்கா, அசோக்நகர் பூங்கா, திருவொற்றிïர் விம்கோ நகர் மாநகராட்சி திடல், பாலவாக்கம் பல்கலைநகர் திடல், ராயபுரம் அண்ணா பூங்கா, சுற்றுலா பொருட்காட்சி அண்ணா அரங்கம் ஆகிய இடங்களில் மாலை நேரங்களில் கலைவிழாக்கள் நடைபெறுகின்றன.

பெசன்ட் நகர் எலியட்ஸ் கடற்கரையில் மதியம் ஒரு மணியளவில் 11, 12 தேதிகளில் ராக் பேண்ட் போட்டிகள் நடைபெறுகின்றன. இது தவிர, 11-ந் தேதி முதல் 15-ந் தேதி வரை பல்லாவரம் கன்டோன்மென்ட் பள்ளி வளாகம், கோடம்பாக்கம் டிரஸ்ட்புரம் அரங்கு, திரு.வி.க.நகர் மாநகராட்சி பள்ளி வளாகம், மெரினா லேடி வெலிங்டன் கல்லூரி அரங்கு ஆகிய இடங்களிலும் கலைநிகழ்ச்சிகள் நடத்தப்படுகின்றன.

கடந்த ஆண்டு தியாகராயநகர் வெங்கட் நாராயணா சாலையில் விடிய, விடிய இசை, நடனம் போன்ற கொண்டாட்டம் நடந்ததைப் போல இந்த ஆண்டு அண்ணாநகர் பகுதியிலும் நடைபெறும். தியாகராயநகர் திருவிழா 13-ந் தேதி மாலை 7 மணி முதல் இரவு 2 மணிவரை நடைபெறுகிறது.

கடந்த ஆண்டு போலவே திருநெல்வேலி இருட்டுக்கடை அல்வா, மணப்பாறை முறுக்கு, ஸ்ரீவில்லிபுத்தூர் பால்கோவா, கோவில்பட்டி கடலை மிட்டாய், திண்டுக்கல் வேணு பிரியாணி, பள்ளிப்பாளையம் சிக்கன், காரைக்குடி இட்லி, மதுரை ஜிகர்தண்டா போன்ற தல உணவு வகைகளும் சங்கமம் விழாவில் கிடைக்கும்.

இந்த ஆண்டு பாரம்பரிய கிராமிய கலைநிகழ்ச்சிகள் தவிர மேற்கத்திய இசைக்குழுவினரும் பங்கேற்று தமிழில் இசைக்கின்றார்கள். `உலக அமைதி' என்ற பொருளில் இசை குழுக்களுக்கு இடையேயான போட்டிக்கும் ஏற்பாடு செய்யப்பட்டுள்ளது.

16-ந் தேதி காணும் பொங்கல் அன்று, பிரமாண்டமான வாண வேடிக்கையுடன் பெசன்ட்நகர் எலியட்ஸ் கடற்கரையில் சென்னை சங்கமம் விழா நிறைவடைகிறது.

தமிழ்நாடுபற்றி ஆக்ஸ்ஃபோர்டு பல்கலைக்கழகம்

2010-01-10T13:59:00.000+05:30

இந்தியாவிலேயே தமிழ்நாடுதான் அந்நிய முதலீடுகளை அதிகமாக ஈர்க்கும் மாநிலம்; உள்கட்டமைப்பு வசதி மற்றும் நிருவாகமே இதற்குக் காரணம் என்று ஆக்ஸ்ஃபோர்டு பல்கலைக்கழக ஆய்வு தெரிவிக்கிறது.

இந்தியாவில் அந்நிய முதலீடுகளை ஈர்க்கும் சூழல் பற்றிய குறியீட்டு எண் என்ற ஆய்வினை இங்கிலாந்து நாட்டில் லண்டனில் உள்ள ஆக்ஸ்ஃபோர்ட் பல்கலைக்கழகம் மேற் கொண்டுள்ளது.

தமிழகத்தைப் போலவே முதல்நிலையில் கருநாடகா, மகாராஷ்டிரா, டில்லி மற்றும் குஜராத் மாநிலங்கள் இடம் பெற்றுள்ளன.

இந்த மாநிலங்கள் அனைத்தும் பொருளாதார சிறப்புச் செயல்பாடுகளை உள்கட்டமைப்பிலும் மனித வளத்தை மேம்படுத்துவதிலும் சிறப்பாகச் செயல்பட்டுள்ளன. செயல்பாடுகளில் நிரந்தரமான நிருவாகமும் இங்குள்ளன.

இந்தியாவில் அந்நிய முதலீடுகளை ஈர்ப்பதற்கான சிறப்பான முன்னேற்றம் என்பது குறித்து ஆக்ஸ்ஃபோர்டு பல்கலைக்கழகம் ஆயிரம் கல்விக்கழக உறுப்பினர்களிடம் ஆலோசனை பெற்றது.

இந்தியாவின் வணிக ஆய்வில் மாநில அளவில் குறிப்பிடத்தக்க காரணிகளில் உள்ள வேறுபாடுகனை இந்த ஆய்வு எடுத்துக்காட்டுகிறது.

மனித வளத்தை மேம்படுத்துவதைப் பொறுத்தவரையில் இமாச்சலப் பிரதேசம், கோவா, புதுச்சேரி ஆகியவையே வியக்கத்தக்க வகையில் முதலீடுகளை ஈர்த்துள்ளன. இவற்றில் கோவா முன்னிலையில் உள்ளது.

மேற்கு வங்கத்திலும் உத்தரப் பிரதேசத்திலும்தான் மிகக்குறைவான சூழ்நிலை நிலவுகிறது. வடகிழக்கில் உள்ள 8 மாநிலங்கள் குறைந்த நிலையில் உள்ளன. ஜார்கண்ட், அருணாச்சலப்பிரதேசம், பிகார் ஆகியவை மாநிலத்தில் குறைவான தகுதி காரணமாக உள்கட்டமைப்பு நிருவாகம் ஆகியவற்றில் கீழ்நிலையில் உள்ளன.

ஆக்ஸ்ஃபோர்ட் பல்கலைக்கழக ஆய்வு, குறியீட்டு எண்ணில் இந்தியாவில் 28 மாநிலங்களும் 2 பெரிய யூனியன் பிரதேசங்களுமான டில்லியும், புதுச்சேரியும் இடம் பெற்றுள்ளன.

விஜயகாந்து அன்றும் இன்றும்.

2010-01-10T13:34:00.001+05:30

அன்று: பெற்றோர் வைத்த பெயர் விஜயராஜ்.

இன்று: பொருள் சேர்க்க வைத்த பெயர் விஜயகாந்து.

அன்று: விஜயகாந்து பார்வையில் கலைஞர் ஒரு காவியத் தலைவன்.

இன்று: விஜயகாந்து பார்வையில் கலைஞர் ஒரு தமிழினத் துரோகி.

அன்று: திமுகவே கதி, கலைஞரே தலைவர் என்று சொல்லிக்கொண்டு அட்டகாசமான நிஜ வாழ்க்கை நடிப்பு.

இன்று: எது நடந்தாலும் திமுகவின் சதி. கலைஞரே மூலக் காரணம்.

அன்று: கலைஞருடன் ஒட்டிக்கொண்டு நடித்த (நிஜ வாழ்க்கையில்) காலத்தில் கிடைத்த பட்ட பெயர் "புரட்சிக் கலைஞர்"

இன்று: அவருக்கு அவரே சூட்டிக் கொண்ட பட்ட பெயர் கருப்பு எம்ஜிஆர்.

அன்று: வாழ்நாளில் இனி போலீஸ் வேடத்தை ஏற்று நடிக்க மாட்டேன் என்று கூறியது.

இன்று: விருதகிரி சினிமாவில் விறுவிறுப்பாக போலீஸ் வேடத்தில் நடித்துக் கொண்டிருப்பது.

அன்று: டிவி மீடியாக்களுக்கு பேட்டியே கொடுக்க மாட்டேன்.

இன்று: சொந்தமாக கேப்டன் டிவி தொடங்குவது. சன் டிவி, தினமணி, தினமலர் போன்ற ஜால்ரா பத்திரிக்கைகளிடம் நட்பாக இருப்பது.

அன்று: சினிமாவில் பக்கம் பக்கமாய் வசனம்.

இன்று: தேர்தல் நேரத்தில் பக்கம் பக்கமாய் வசனம்.

அன்று: சினிமா வசனம் எழுத இப்ராகிம் ராவுத்தர்.

இன்று: தேர்தல், அறிக்கை வசனங்கள் எழுத பண்ரூட்டி ராமச்சந்திரன்.

அன்று: சினிமாவிற்கு கால் சீட் கொடுத்து வசனங்கள் பேசி நடிப்பது.

இன்று: தேர்தல் நேரத்தில் மட்டும் ஊர் ஊராக சென்று நிஜத்திலும் வசனம் பேசி நடிப்பது.

அன்று: திமுக ஒரு குடும்பக் கட்சியாக காட்சி அளிக்கிறது.

இன்று: தனது மனைவியும், மச்சானும் இல்லாமல் எந்த ஒரு கட்சி கூட்டமும் இல்லை.

அன்று: நடிகர் வடிவேலுவின் அலுவலகத்தில் தன் ஆட்கள் செய்த கலாட்டக்களையும், அட்டூழியங்களையும் பற்றி மனிதாபிமானமில்லாத் முறையில் ஜனநாயகத்துக்கு மாறாக, முரண்பாடாக பேசியது.

இன்று: தமிழகத்தில் ஜனநாயகத்தைக் காப்பாற்ற மீண்டும் தர்மயுத்ததிற்கும், தியாகத்திற்கும் தேமுதிக தயாராக இருக்கிறது என்று அறிவித்தது.

அன்று: சொந்த கருத்துக்கள் கிடையாது. பேசவும் தெரியாது.

இன்று: இன்றும், சொந்த கருத்துக்கள் கிடையாது. பேசவும் தெரியாது.

அன்று: ஊழலை ஒழிப்பேன் இன்று வாய் கிழிய பேசுவது.

இன்று: எம்ஜிஆரே ஊழல் குற்றச்சாட்டு சுமத்திய பண்ரூட்டி இராமச்சந்திரனை அருகிலே வைத்திருப்பது.

அன்று: மக்களுடனும் தெய்வத்துடனும் மட்டுமே கூட்டணி.

இன்று: யாருடனும் கூட்டணிக்கு தயார்.

அன்று: தேமுதிக ஏழைகளுக்காக பாடுபடும். வறுமையை ஒழிக்கும்.

இன்று: இதுவரை நடந்த அனைத்துத் தேர்தல்களிலுமே பணக்காரர்களுக்கு மட்டுமே சீட் கொடுத்தது.

படிப்பறிவு : எஸ்.எஸ்.எல்.சி.

பொதுஅறிவு: இல்லை.

பகுத்தறிவு: சுத்தமாக இல்லை.

நன்றி, விசுவாசம்: சிறிதும் இல்லாதது.

மரியாதை: மரியாதை என்ற படத்தினில் நடிக்கத் தெரிந்தவர்..நிஜத்தில் மரியாதை கொடுத்துப் பேசத் தெரியாதவர்.

கேள்வி மட்டுமே கேட்டு அறிக்கை மழைகளை விடுவது.

எதிர் கேள்வி கேட்டால் அல்லது பிரச்னைக்கு தீர்வைக் கேட்டால் ஓடி ஒழிவது.

தேமுதிக கட்சியால் இதுவரை செய்த சாதனை : தேர்தல் கூட்டம் என்று பலவற்றிற்கு கட்சியினர் பலரை செலவு செய்ய வைத்து ஆண்டியும் போண்டியும் ஆக்கினது..

ஊரில் உள்ளவனோட எல்ல காசையும் செலவு பண்ணி தமது ஆதரவு எவ்வளவு என்று முடிவு பண்ணிபுட்டு , இப்ப சீட்டுக்கு பேரம் பேச கெளம்பிட்டாரு . கிடைக்கிற சீட்டுல மச்சான் , மனைவி என்று கொடுத்து மீதி ஏதேனும் இருந்த அதில் தனது பினாமிகளுக்கு சீட் கொடுப்பார் இந்த ஓவராக வசனம் பேசி வந்த விஜய்காந்த்.இதுக்கு முந்தி செலவு செய்தவன் கதி அதோகதிதான்..

சூடு சொரனை இல்லாதவர்கள் தான் அரசியல் வாதிகள் என்பதை விஜய்காந் நிரூபித்து விட்டார் திமுக அதிமுகவையும், கட்சி ஆரம்பித்ததிலிருந்து குறைகூரிவந்தவர் கட்சியில் உள்ளவர்கள் விலகி போவதால் யாருடனும் கூட்டனி என்கிரார் தமிழக மக்களே இனியாவது இது போன்ற போலி தமிழன் வேஷம் போடும் விஜய்காந்தை ஒதிக்கிவையுங்கள்.

மக்களுடனான கூட்டணியும், கடவுளுடனான கூட்டணியும் முரிஞ்ச்சிபோச்சா? கை விட்டுட்டாங்களா ?.

ஜெ. ஆட்சிக்கே வரமாட்டார்: தேமுதிக தேராத கட்சி: மு.க.அழகிரி கிண்டல்

2010-01-02T13:38:00.001+05:30

ஜெயலலிதா இனி ஆட்சிக்கே வரமாட்டார் என்றும், தேமுதிக தேராத கட்சி என்றும் மத்திய அமைச்சர் மு.க.அழகிரி கூறியுள்ளார்.

மத்திய அமைச்சர் மு.க.அழகிரியை இன்று (நேற்று) மதுரையில் அரசியல் கட்சி தலைவர்கள், அதிகாரிகள், தி.மு.க. நிர்வாகிகள் ஆகியோர் சந்தித்து புத்தாண்டு வாழ்த்துக்கள் கூறினார்கள். மு.க.அழகிரியும் அவர்களுக்கு வாழ்த்து கூறினார்.

பின்னர் செய்தியாளர்களின் கேள்விகளும், அதற்கு அவர் அளித்த பதில்களும் வருமாறு:

கேள்வி: 2011 சட்டசபை தேர்தல் முடிவுகள் எப்படி இருக்கும்?

பதில்: நான் ஏற்கனவே இது குறித்து கூறியிருக்கிறேன். 20011 பொதுத்தேர்தலிலும் தி.மு.க. கூட்டணிதான் அமோக வெற்றி பெறும். 200 இடங்களில் வெற்றி பெறுவோம். தென் மாவட்டங்களில் கடந்த பாராளுமன்ற தேர்தலை போல 100 க்கு 100 சதவீதம் அல்லது 95 சதவீதம் தி.மு.க. அணி வெற்றி பெறும்.

கேள்வி: பென்னாகரம் இடைத்தேர்தலில் அ.தி.மு.க. போட்டியிடுவது சந்தேகம் என்று கூறியிருந்தீர்களே?

ப. அப்போது சொன்னேன். அதற்காகத்தான் தேர்தலை தள்ளி வைக்க சொல்லி உள்ளார்கள். ஒரு இடைத்தேர்தலை அறிவிக்கும்போது அந்த மாநிலத்தின் தலைமை செயலாளர், உள்துறை செயலாளர் அரசிடம் கருத்து கேட்டுதான் தேர்தல் தேதியை அறிவிப்பார்கள். ஆனால் யாரிடமும் கலந்து ஆலோசிக்காமல் தேர்தல் ஆணையம் தேர்தல் தேதியை அறிவித்தது. தேர்தல் கமிஷன் உத்தரவுக்கு கட்டுப்பட்டு தி.மு.க.வும், காங்கிரசும் தேர்தல் பணிகளை தொடங்கியது.

ஆனால் அ.தி.மு.க. தேர்தலை தள்ளி வைக்க சொல்லி வற்புறுத்தியது. அதன்படி தேர்தலை தள்ளி வைத்துள்ளனர். தமிழக தலைமை தேர்தல் அதிகாரி நரேஷ்குப்தா அ.தி.மு.க. உறுப்பினராக இருப்பாரோ என்று சந்தேகம் உள்ளது.

கேள்வி: கடந்த இடைத்தேர்தல் முடிவுகள் இயற்கையானது அல்ல என்று ஜெயலலிதா கூறியிருக்கிறாரே?

பதில்: எப்போதும் உள்ள புலம்பல்தான் அது. ஏற்கனவே அவர்கள் வாக்குப்பதிவு எந்திரத்தின் பட்டன் சரியில்லை என்றார்கள். இப்போது பட்டனை சரிசெய்து விட்டல்லாவா தேர்தலில் போட்டியிட்டு இருக்க வேண்டும்.

கேள்வி:அ.தி.மு.க.வில் இருந்து மேலும் சில தலைவர்கள் தி.மு.க.வுக்கு வருவார்களா?

பதில்: நிச்சயமாக வருவார்கள் என்று எதிர்பார்க்கிறேன்.

கேள்வி: திருச்செந்தூர், வந்தவாசி இடைத்தேர்தல் களில் தே.மு.தி.க. 2 தொகுதிகளிலும் டெபாசிட் இழந்து விட்டதே. உங்கள் கருத்து என்ன?

பதில்: ஏற்கனவே அது தேறாத கட்சிதான். கட்சியின் பெயரே வாயில் நுழையாதபடி உள்ளது. தேய்ந்த தேறாத கட்சியாக அது உள்ளது.

கேள்வி: கோவை செம்மொழி மாநாடு பற்றி உங்கள் கருத்து என்ன?

பதில்: தலைவர் நினைத்ததை முடிக்காமல் விடமாட்டார். கடந்த 1967 ம் ஆண்டு பேரறிஞர் அண்ணா தலைமையில் உலக தமிழ் மாநாட்டை சிறப்பாக நடத்தி தந்தவர் தலைவர் கலைஞர். அதுபோல செம்மொழி மாநாட்டையும் சிறப்பாக நடத்தி காட்டுவார். மாநாடு முடியும் வரை அவர் இரவு பகலாக தூங்கமாட்டார்

நன்றி:நக்கீரன்.

விஜய் டி.வி அழைப்பு கமல் மீண்டும் சம்மதம்!

2009-12-29T21:00:00.000+05:30

கலைஞானி கமல்ஹாசனுக்கு விழா எடுத்து கவுரவித்தது விஜய் டி.வி. ஒட்டுமொத்த தமிழ்சினிமாவும் கலந்து கொண்ட இந்த விழா, சின்னத்திரை ரசிகர்களுக்கு பெரும் கொண்டாட்டமாக அமைந்தது. தமிழ் திரையுலகில் நடிக்க வந்து ஐம்பது ஆண்டுகளை பூர்த்தி செய்த கமலுக்கு பொன்விழா நடத்திய விஜய் டிவி, அதன் மூலம் தனது உயரத்தை இன்னும் சில அங்குலம் வளர்த்துக் கொண்டது.

'காலங்களில் அவள் வசந்தம் மாதிரி, கலைகளில் அவர் கமல்ஹாசன்' என்ற பெருமையை ஏற்படுத்திக் கொடுத்த விஜய் டிவிக்கு கைமாறாக ஏதாவது செய்து தனது நன்றியை தெரிவிக்க நினைத்தாராம் கமல். "என்ன வேணுமோ கேளுங்க...?" என்று அவர் சொல்ல, விஜய் டி.வி கேட்டதுதான் விசேஷம்!

"நீங்களே பங்குபெரும் ஷோ ஒன்றை ஏற்பாடு செய்கிறோம். அதில் உங்களின் முழுமையான பங்களிப்பு வேண்டும்" இதுதான் விஜய் டி.வி கேட்ட விஷயம். அதாவது இந்தியில் அமிதாப் செய்தாரே கோடீஸ்வரன் நிகழ்ச்சி! அது மாதிரி ஒரு ஷோ. முதலில் யோசித்த கமல், தற்போது அதற்கும் ஓ.கே சொல்லியிருக்கிறாராம்.

நடிகர்களில் உலக ஞானம் பெற்றவர் கமல் என்பது பலருக்கும் தெரிந்த விஷயம்தான். இப்போது அவர் நடத்தப் போகும் ஷோ, அதை இன்னும் தெளிவுபடுத்தும் என்பது மட்டும் நிச்சயம்!

செக்ஸ் புகாரால் பதவி இழப்பு என்.டி.திவாரி ஓட்டம்

2009-12-29T17:18:00.001+05:30

செக்ஸ் புகாரால் பதவி இழந்த முன்னாள் ஆளுநர் என்.டி.திவாரி சப்தமின்றி நேற்று அதிகாலை ஆந்-திராவில் இருந்து வெளியேறினார்.

ஆந்திர ஆளுநராக பதவி வகித்த என்.டி. திவாரி ஆளுநர் மாளிகையில் இளம் பெண்களுடன் உல்லாசமாக இருந்ததாக குற்றம் சாற்றப்பட்டது. இதுதொடர்பாக சில படங்கள் ஒரு தனியார் தொலைக்காட்சியில் ஒளிபரப்பானதால் இந்தியா முழுவதும் பெரும் பரபரப்பு ஏற்பட்டது.

இதையடுத்து என்.டி.திவாரி பதவி விலகினார். உடல் நலக்குறைவு காரணமாக பதவி விலகுவதாக அவர் தனது கடிதத்தில் குறிப்பிட்டு இருந்தார். அவருடைய பதவி விலகல் ஏற்கப்பட்டு சட்டீஸ்கர் மாநில ஆளுநராக பதவி வகித்து வரும் லட்சுமிநரசிம்மன் ஆந்திர ஆளுநராக கூடுதல் பொறுப்பு வகிப்பார் என்று அறிவிக்கப்பட்டது. லட்சுமி நரசிம்மன் நேற்று முன்தினம் (ஞாயிற்றுக்கிழமை) மாலை அய்தராபாத் வந்து நேற்று காலை பதவி பொறுப்பை ஏற்பதாக முடிவானது.

லட்சுமி நரசிம்மன் வருவதற்குள் ஞாயிற்றுக்கிழமை காலை 9 மணிக்குள்ளாக அய்தராபாத்தில் இருந்து புறப்பட்டு செல்ல திவாரி திட்டமிட்டார். ஆனால் அவர் ஆளுநர் மாளிகையில் இருந்து பகல் நேரத்தில் வெளியே வந்தால் மகளிர் அமைப்புகள் அவருடைய காரை வழிமறித்து ஆர்ப்பாட்டம் நடத்த வாய்ப்பு இருப்பதாகவும் விமானநிலையத்திலும் ஆர்ப்பாட்டம் நடக்கலாம் என்றும் உளவுத்துறை எச்சரித்தது. இதனால் அதிர்ச்சி அடைந்த திவாரி தனது பயண திட்டத்தில் மாற்றம் செய்தார். ஞாயிற்றுக்கிழமை அதிகாலையிலேயே சப்தமின்றி அய்தராபாத்தில் இருந்து புறப்பட்டு செல்ல முடிவு செய்தார்.

ஆனால் அந்த திட்டத்திலும் சிக்கல் எழுந்தது. அவர் ஆளுநர் பதவியில் இருந்து விலகிவிட்டு செல்வதால் ‘கார்டு ஆப் ஆனர்’ எனப்படும் அணிவகுப்பு மரியாதை வழங்கப்பட வேண்டும். ஆனால் இந்த மரியாதையை சூரிய உதயத்துக்கு முன்பாகவோ சூரிய மறைவிற்குப் பின்போ வழங்க முடியாது. இதனால் அவர் அதிகாலையில் புறப்பட முடியாத நிலை ஏற்பட்டது. இதைத்தொடர்ந்து அவர் பயணம் தள்ளி வைக்கப்பட்டது.

ஞாயிற்றுகிழமை மாலை 4 மணிக்கு அவ-ருக்கு வழியனுப்பு மரியாதை வழங்கப்பட்டது. அதன்பிறகு முதல் அமைச்சர் ரோசய்யா, தலைமை செயலாளர் ரமாகாந்த் ரெட்டி மற்றும் உயர் அதிகாரிகள் திவாரியை மரியாதை நிமித்தமாக சந்தித்து வழியனுப்பினார்கள்.

பின்னர் நேற்று அதிகாலையில் திவாரி சப்தமின்றி காரில் விமான நிலையத்துக்கு சென்றார். அங்கிருந்து விமானம் மூலம் டெல்லிக்கு புறப்பட்டு சென்றார்.

கடைசிவரை அவருடைய இந்த பயண திட்டம் கமுக்கமாக வைக்கப்பட்டு இருந்தது. முன்னதாக ஆளுநர் மாளிகையில் இருந்த அவருக்கு சொந்தமான பொருள்கள் லாரியில் ஏற்றப்பட்டு அனுப்பப்பட்டன

தமிழ்ப் படங்களைக் கொண்டாட வரும் 'தமிழ் படம்'

2009-12-29T16:58:00.000+05:30

தமிழக முதல்வர் மு.கருணாநிதி அவர்களின் குடும்பத்தில் இருந்து வரும் மற்றொரு தயாரிப்பாளர், தயாநிதி அழகிரி. இவர் தயாரிக்கும் முதல் படத்திற்குத் 'தமிழ் படம்' என்று தலைப்பு வைத்துள்ளனர். விளம்பர நிறுவனத்தில் பணிபுரிந்த சி.எஸ்.அமுதன் இயக்கும் இப்படத்தில் கதாநாயகனாகச் சிவா நடிக்க, அவருக்கு ஜோடியாக மும்பையைச் சேர்ந்த தீஷாபாண்டே அறிமுகம் ஆகிறார்.

வித்தியாசமான தலைப்புடன் வரும் 'தமிழ் படம்', இதுவரை ரசிகர்களை வேறு எந்தத் தமிழ்ப் படமும் சிரிக்க வைக்காத அளவிற்குச் சிரிக்க வைக்குமாம். படம் மட்டும் அல்லாமல் இந்தப் படத்தில் இடம்பெறும் பாடல் ஒன்றும் புதுமையாக இருக்குமாம். அதில் வார்த்தைகளைப் பயன்படுத்தாமல் வித்தியாசமான சத்தங்களை வைத்து 'ஒமகஷியா...' என்ற பாடலை உருவாக்கியிருக்கிறார்கள். இப்பாடலை இலங்கையில் படம் பிடித்துள்ளனர்.

எம்.எஸ்.பாஸ்கர், வெண்ணிற ஆடை மூர்த்தி, மனோபாலா போன்ற நடிகர்கள் இப்படத்தில் கல்லூரி மாணவர்களாக வலம் வருகிறார்கள். மேலும் டெல்லி கணேஷ், வி.எஸ்.ராகவன், பரவை முனியம்மா, பெரியார்தாசன் உள்ளிட்ட முன்னணி நட்சத்திரங்கள் பலரும் நடிக்கின்றனர்.

"தமிழ்த் திரைப்பட வரலாற்றில் ஒரு புதுமையான நகைச்சுவைப் படமாக உருவாகி வரும் 'தமிழ் படம்', தமிழ் ரசிகர்களால் மறக்க முடியாத அளவிற்கு மாபெரும் வெற்றிப் படங்களைக் கொண்டாடும் விதத்தில் அமைந்திருக்கும்" என்கிறார் இயக்குநர் சி.எஸ்.அமுதன். நீரவ் ஷா ஒளிப்பதிவு செய்ய, 'ஆயிரத்தில் ஒருவன்' படத்திற்குக் கலை இயக்குநராகப் பணிபுரிந்த டி.சந்தானம் இப்படத்திற்குக் கலை இயக்குநராகப் பணியாற்றியுள்ளார்.

கண்ணன் என்ற புதுமுக இசையமைப்பாளர் இசையமைத்திருக்கும் இப்படத்தின் பாடல்கள் மற்றும் திரை முன்னோட்டத்தைக் கமல்ஹாசன் வெளியிட, இயக்குநர் கே.எஸ்.ரவிகுமார் பெற்றுக்கொண்டார். இசை வெளியீட்டு நிகழ்ச்சி, கலைஞர் தொலைக்காட்சியில் 2009, டிசம்பர் 25ஆம் தேதியன்று கிறிஸ்துமஸ் சிறப்பு நிகழ்ச்சியாக ஒளிபரப்பாகிறது

கலைஞர் காப்பீட்டு திட்டம்:கருணாநிதிக்கு மருத்துவர்கள் பாராட்டு

2009-12-29T16:44:00.000+05:30

ஏழை எளிய மக்களைப் பாதித்திடும் கொடிய நோய்களிலிருந்து அரசு மேற்கொண்டுவரும் பல் வேறு மருத்துவ நலத்திட்டங்களில் உயிர் காக்கும் உயர் சிகிச்சைக்கான கலைஞர் காப்பீட்டுத் திட்டம் தமிழக மக்களிடம் மிகுந்த வரவேற்பினை பெற்றுப் பாராட்டுகளை குவித்து வருகிறது.

இத்திட்டத்தின்கீழ் தமிழகத்தில் இதுவரை 22 ஆயிரத்து 443 பேருக்கு ரூ. 76 கோடியே 63 லட்சம் செலவில் உயர் சிகிச்சைகள் அளிக்கப்பட்டுள்ளன. இந்த சிகிச்சைகளை அளிப்பதில் தனியார் மருத்துவ மனைகளில் பங்கு பாராட்டத்தக்கது.

கலைஞர் காப்பீட்டுத் திட்டத்தின் வெற்றிக்கு மிகுந்த ஒத்துழைப்பு நல்கி வரும் பல்வேறு தனியார் மருத்துவமனைகளில் சென்னை செனாய் நகரிலுள்ள “பில்ராத்” மருத்துவமனை, ரத்தினவடிவு என்ற ஏழை விவசாயிக்கு இத் திட்டத்தின்கீழ் முதல் இருதய அறுவை சிகிச்சையை பெற்றிகரமாகச் செய்த மருத்துவமனை. இங்கு இதுவரை 400-க்கும் மேற்பட்ட ஏழை எளியோருக்கு அறுவை சிகிச்சைகளைச் செய்து சாதனை படைத்துள்ளது

இதனையொட்டி “பில் ராத்” மருத்துவமனையின் இயக்குநர்கள் நாராயண சாமி, கோபி, அறுவை சிகிச்சை நிபுணர் தியாகராஜ மூர்த்தி, மயக்க மருந்து நிபுணர்கள் நெடுமாறன், மகாதேவன் ஆகியோர் இன்று முதல்-அமைச்சர் கருணாநிதியை சந்தித்து, கலைஞர் காப்பீட்டுத் திட்டத்தை அறிமுகப் படுத்தியமைக்காக தங்களது மகிழ்ச்சியையும் நன்றியையும் தெரிவித்தனர்.

அப்போது அவர்கள் முதல்- அமைச்சர் கருணாநிதியிடம் கூறியதாவது:-

பில்ராத் குடும்பத்தின் சார்பில் உயிர்காக்கும் உயர் சிகிச்சைக்கான கலைஞர் காப்பீட்டுத் திட்டம், மிகச்சிறந்த முறையில் தமிழ்நாடு முழுவதும் பொதுமக்களின் ஆதரவோடு செயல்பட்டு வருகிறது.

இந்த திட்டம் வெற்றியடைவதற்கு முக்கிய காரணமாக செயல்பட்டு வரும் தாங்களும், தங்கள் தலைமையின் கீழ் செயல் படுகின்ற தமிழக அரசுதான் காரணம்.

மேலும், நல்ல முறையில் நடைபெற்று வரும் உயிர்காக்கும் உயர் சிகிச்சைக்கான கலைஞர் காப்பீட்டுத் திட்டத்தில் எங்களையும் பங்கு பெறச்செய்து 400-க்கும் மேற்பட்ட ஏழை எளியோர்களுக்கு அறுவை சிகிச்சை செய்ய அரிய வாய்ப்பை ஏற்படுத்தியக் கொடுத்த தங்களுக்கு, எங்கள் பில்ராத் மருத்துவமனையின் சார்பில் நெஞ்சார்ந்த நன்றியைத் தெரிவித்துக் கொள்வதோடு, தமிழ்நாட்டு மக்களுக்கு தாங்கள் செய்யும் சீரிய பணி மேலும் பல்லாண்டு காலம் தொடர எங்கள் வாழ்த்துக்களைத் தெரிவித்துக் கொள்கிறோம்.

இவ்வாறு அவர்கள் கூறினார்கள்.

நன்றி:மாலைமலர்.

உடல் எடையை குறைக்கும் குடை மிளகாய் கேப்சூல்

2009-12-29T15:16:00.000+05:30

குடை மிளகாயை உணவுப்பொருள் என்பதை விட ஒரு சிறந்த மருத்துவப் பொருள் என்றே கூற வேண்டும் என்கின்றனர் பிரிட்டன் மருத்துவ விஞ்ஞானிகள்.

அதற்கு காரணம், குடை மிளகாயையும், மிளகையும் சேர்த்து மாத்திரை தயாரித்துள்ளனர். கேப்சூல் வடிவிலான அந்த மாத்திரைக்கு உடல் எடையை குறைக்கும் மகிமை உண்டு என்றும் அவர்கள் கூறுகிறார்கள்.

அவர்கள் தயாரித்துள்ள மாத்திரையின் பெயர் கேப்ஸி ப்ளெக்ஸ். இந்த மாத்திரை குறித்து பிரிட்டன் மருத்துவ விஞ்ஞானிகள் கூறியிருப்பதாவது:-

கேபஸி ப்ளெக்ஸ் மாத்திரையை குண்டாக இருக்கும் ஒருவர் தொடர்ச்சியாக சாப்பிட்டு வந்தால் அவரது உடலில் அதிகப்படியாக சேமித்து வைக்கப்பட்டுள்ள சக்தி படிப்படியாக குறையும். ஒருவர் 80 நிமிடம் நடந்தால் எவ்வளவு சக்தியை இழப்பாரோ அந்த அளவுக்கு சக்தியை ஒரு மாத்திரை சாப்பிடுவதன் மூலம் குறைந்துவிடும்.

பொதுவாக நமது உடலில் வளர்சிதை மாற்றம் அதிகமாக நடக்கும் போது சக்தி கணிசமாக குறைகிறது. இதனால் உடல் எடையும் குறையும். இதன் அடிப்படையில்தான் மாத்திரையை தயாரித்துள்ளோம்.

வளர்சிதை மாற்றத்தின் வேகத்தை துரிதப்படுத்தும் வல்லமை மிளகுக்கும், குடை மிளகாய்க்கும் இயற்கையாகவே உண்டு. அந்த விதத்தில் மிளகையும், குடை மிளகாயையும் மூலப் பொருளாகக் கொண்டு தயாரிக்கப்பட்டுள்ள மாத்திரையை சாப்பிடுவதன் மூலம் குண்டாக உள்ளவர்கள் கணிசமான எடை இழப்பு அடைகின்றனர்.

இந்த மாத்திரையை தொடர்ந்து உட்கொள்வதன் மூலம் குண்டாக உள்ளவர்கள் மெலிந்து பார்ப்பதற்கு அழகாக மாறிவிடுவர். இந்த மாத்திரை தற்போது சோதனை செய்யப்பட்டு வருகிறது. அது முடிந்ததும் சந்தைக்கு வரும்.

இவ்வாறு அவர்கள் கூறியுள்ளனர்.

திருப்பதி ஏழுமலையானுக்கு ரஹ்மான் இசை அமைக்கக் கூடாது! - இந்து முன்னணி

2009-12-29T12:52:00.000+05:30

திருப்பதி ஏழுமலையான் பற்றிய பாடல்களுக்கு ஏ ஆர் ரஹ்மான் இசை அமைக்கக் கூடாது என இந்தி முன்னணி எதிர்ப்பு தெரிவித்துள்ளது.

இந்து முன்னணியின் மாநில செயலாளர் வெள்ளையப்பன் வேலூரில் செய்தியாளர்களிடம் பேசுகையில்,

திருப்பதி வெங்கடாஜலபதி பற்றிய பாடல்களுக்கு இசைஅமைப்பாளர் ஏ.ஆர். ரகுமானை வைத்து இசை அமைத்து ஆல்பம் வெளியிடப்போவதாக திருப்பதி தேவஸ்தானம் அறிவித்துள்ளது.

அதை இந்து முன்னணி கண்டிக்கிறது. இந்து தர்மத்தில் நம்பிக்கை உள்ளவர்கள் இசை அமைத்தால் சிறப்பாக இருக்கும். எனவே தேவஸ்தானம் தனது திட்டத்தை கைவிட வேண்டும்.

ஆங்கிலப் புத்தாண்டுக்கு கோயில் திறக்கக் கூடாது!

ஆங்கில புத்தாண்டு பிறப்பை வெளிநாட்டை சேர்ந்தவர்களும், கிறிஸ்தவர்களும் கொண்டாடலாம்.

இந்து கோவில்களை பொறுத்தவரை ஆண்டுக்கு ஒரு முறை சிவராத்திரி விழாவைத்தவிர வேறு எந்த நாளிலும் கோவில்களை நள்ளிரவில் திறப்பதும் இல்லை. அபிஷேகம், பூஜை, தீபாராதனை என்று எதுவும் நடைபெறுவதும் இல்லை.

ஆனால் வருகிற டிசம்பர் 31-ந் தேதி நள்ளிரவில் ஆங்கில புத்தாண்டுக்காக சில இந்து கோவில்களை திறக்க இருப்பதாக எங்களுக்கு தகவல் கிடைத்துள்ளது.

ஆகம விதிக்கு இந்து கோவில்களை புத்தாண்டு பிறப்புக்காக டிசம்பர் 31-ந் தேதி நள்ளிரவில் திறந்து பூஜை செய்தால் இந்து முன்னணி அதை தடுக்கும் விதத்தில் போராட்டம் நடத்தும். அத்துடன் அதற்கு உடந்தையாக இருக்கும் கோவில் அர்ச்சகர்கள், அதிகாரிகள், அறங்காவலர்கள் மீது வழக்கு தொடருவோம்..." என்றார் வெள்ளையப்பன்.

-----------------------------------------------

ஜாதி, மதம் என வேறுபாடுகள் இல்லாதது கலை. அதில் இசையும் ஒன்று.

உலகமே பாராட்டும் ஏ.ஆர்.ரகுமானிடம் திருப்பதி ஏழு மலையான் பற்றிய பாடல்களுக்கு இசையமைக்கும்படி திருப்பதி தேவஸ்தான போர்டு தான் கேட்டுக் கொண்டது. இசை அமைக்க வாய்ப்பு தருமாறு ஏ.ஆர்.ரகுமான் தேவஸ்தானத்திடம் கேட்கவில்லை.

இசை அமைக்கக் கூடாது என்று ஏ.ஆர்.ரகுமானை எதிர்ப்பதை விட்டு விட்டு, வெள்ளையப்பன் அவர்களுக்கு தைரியமிருந்தால் திருப்பதி தேவஸ்தானம் போர்டிடம் முட்டி மோதி வேறு ஒரு நல்ல இந்து இசைக் கலைஞரிடமே இசை அமைக்க முயற்ச்சிக்கலாமே. முடியுமா இவரால் ?.

எல்லாவற்றிலும் ஜாதி, மதம் என்ற வேற்றுமையைக் கண்டு ஒற்றுமையை சீர்குலைக்கும், இந்த வெள்ளையப்பன் போன்றோரை மடையப்பன் என்று சொன்னாலும் தவறேதுமில்லை என்றே நினைக்கிறேன்.

திமுக-அதிமுக கூட்டணி அமைத்து பாமகவை தோற்கடித்து விட்டனர்-ராமதாஸ்

2009-12-29T12:21:00.000+05:30

கடந்த மக்களவைத் தேர்தலில் திமுகவும், அதிமுகவும் கூட்டணி அமைத்து பாமகவை தோற்கடித்து விட்டனர் (ஆப்பு வைத்தனர் என்று பொருள்) என்று அக்கட்சியின் நிறுவனர் டாக்டர் ராமதாஸ் கூறினார்.

கிருஷ்ணகிரி மாவட்ட வன்னியர் சங்க மாநாடு அந்த நகரில் நடைபெற்றது. பாமக தலைவர் ஜி.கே. மணி, வன்னியர் சங்க மாநிலத் தலைவர் காடுவெட்டி குரு ஆகியோர் பங்கேற்ற இக் கூட்டத்தில் பேசிய ராமதாஸ்,

தமிழகத்தில் உள்ள 6 கோடி மக்களில் 2 கோடி பேர் வன்னியர்களாக உள்ளனர். மேலும் தமிழகத்தில் மக்கள் தொகை அதிகமாக உள்ள ஜாதிகளில் வன்னியர்கள் தான் அதிகம்.

ஆனால் இட ஒதுக்கீடு, மற்றும் வேலைவாய்ப்பில் மிக குறைவான எண்ணிக்கையில் தான் வன்னியர்கள் இருந்து வருகின்றனர். எனவே தான் வன்னியர்களுக்கு 20 சதவீத இட ஒதுக்கீடு வழங்க வேண்டும் என்று வலியுறுத்துகிறோம் (ஓஹோ) .

இதனால் இந்நிலை மாற வேண்டும் என்பதற்காக தைலாபுரத்தில் 250 ஏக்கர் நிலப்பரப்பில் கல்வி கோவிலை உருவாக்கி வருகிறோம். இதில் வன்னியர் சமுதாயத்தை சேர்ந்தவர்கள் கல்வி பயின்று வாழ்க்கை தரத்தினை உயர்த்தி கொள்ள இலவசமாக கல்வி வழங்கி வருகிறோம். (அப்படியா சொல்லவே இல்லை...ம்ம்ம்ம்)

ஆனால் தமழகத்தில் வன்னியர்கள் ஏமாற்றபடுகிறார்கள். இந்த நிலை மாற வேண்டும். இதனால் தான் நான் 1980ல் இருந்து தமிழகத்தில் ஜாதி வாரியாக கணக்கு எடுக்க வேண்டும் என்று தொடர்ந்து கூறி வருகிறேன்.

குறைந்த மக்கள் தொகை உள்ள ஜாதியினர் தான் அதிகாரத்தில் உள்ளனர். ஆனால் நமது ஜாதியினர் அதிகமாக இருந்தும் ஆட்சியை பிடிக்க முடியவில்லை. வரும் காலங்களில் இந்நிலை மாற வேண்டும்.

கடந்த நாடாளுமன்றத் தேர்தலில் திமுக, அதிமுக ஆகிய கட்சிகள் கூட்டனி அமைத்து கொண்டு திட்டமிட்டு தேர்தலில் எங்களுக்கு ஓட்டு போடாமல் செய்து விட்டனர். இதனால் தான் நாங்கள் 7 இடங்களிலும் வெற்றி பெரும் வாய்ப்பினை இழந்து விட்டோம்.

ஆனாலும் நாங்கள் மக்களுக்காக தொடர்ந்து பாடுபட்டு வருகிறோம். தொடர்ந்தும் பாடுபடுவோம் (செம காமெடி..போங்க)என்றார் ராமதாஸ்.

--------------------------------------------------

எந்தக்காலத்திலாவது திமுகவும், அதிமுகவும் கூட்டு சேருமா? இதற்கு முன்தான் சேர்ந்ததாக ஒரு வரலாறு உண்டா?

தேர்தலுக்கு தேர்தல் சுயலாபத்துக்காக அடிக்கடி கூட்டணி மாறும் குரங்கு புத்தியால்தான் பாமக தோற்றது.

2 கோடி வன்னியர் இருந்தும் இவர் வெற்றி பெற முடியவில்லையே. ஏன்?. வன்னியர்களுக்கு எதுவும் செய்யாமல் இருந்ததால்தான் வன்னியர் ஓட்டுக்கள் அனைத்தும் பாமகவைத் தவிர இதர கட்சிகளுக்கு சென்றது என்கிற உண்மை இன்னமும் இவருக்கு புரியவில்லை என்றால் என்ன செய்வது ?.

டாக்டர் ராமதாஸ் இனியாவது இப்போதிருக்கிற சூழ்நிலைகளைப் புரிந்துகொண்டு நடந்தால் பாமகவிற்கு நல்லது. அல்லது வீம்பு பிடித்து கொண்டிருந்தால் இருக்குற நிலைமை இன்னும் மோசம்தான் ஆகும்.

பென்னாகரம் தொகுதி இடைத்தேர்தலில் திமுக ஜெயிக்குதோ , அதிமுக ஜெயிக்குதோ...பாமக சொல்லும்படியான ஓட்டுக்களைப் பெற்றால்தான் பாமகவிற்கு எதிர்காலத்தில் கொஞ்சம் மதிப்பு மரியாதை இருக்கும். இல்லையேல் அழிவுதான்.

பிற கட்சிகளையும் , ஆளும் திமுக அரசினை தரம் தாழ்ந்தும், தமிழக அரசு முன் எடுத்துவைக்கும் நல்ல திட்டம் முதற்கொண்டு எல்லாவற்றையும் விமர்சனம் செய்யாமல், வீண் குற்றசாட்டும் சுமத்தாமல் நாளொரு அறிக்கையும், பொழுதொரு பேட்டியும் தராமல், முதலில் தன்னை ஒழுங்கு படுத்திக் கொள்ள வேண்டும்.

சாதி என்ற அடிப்படையைத் தவிர்த்து மக்களுக்கு என்ன நன்மை செய்ய முடியும் என்பதை ஆராய்ந்து அதன்படி செயல்பட்டால், தப்பிக்கலாம்.

இல்லையேல் "அடி மேல் அடிபட்டால் அம்மியும் நகரும்" என்பதைப்போல "தோல்வி மேல் தோல்வி ஏற்பட்டு பாமக கரைந்து காணாமல் போகும்".

இறைவனின் சிரிப்பில் ஏழையை காணலாம்

2009-12-28T19:19:00.001+05:30

இறைவனின் சிரிப்பில் ஏழையை காணலாம்

அட உண்மை தான் ...

இதோ நம் தேசிய நெடுஞ்சாலையில்

இறைவன் வேடமிட்ட ஒரு பிச்சைகாரி
சிரித்தபடி இறைவன் வர்ணப்பூச்சாய் !!!

பல லட்சங்களால்
உருப்பெற்றது இங்கே ஓர் கோபுரம் ..,
கனவில் வந்து சொன்ன சாமிக்கு
வியப்பளிக்கும் இருப்பிடமாம் ...
அடேய் மதி கெட்டவனே ,
உன் கண்களால் காண்கிறாயே நித்தமும் இந்த ஏழயை,
இவன் பசி போக்க உன்னால் முடிந்ததா ?

இறைவா !!!
இவனுக்குத்தான் பார்வை ஊமையாகிவிட்டது
உனக்குமா ?
ஏழையின் கனவு கூட உனக்கு வெருப்பாகிவிட்டதா?

இளைய தளபதி டாக்டர். விஜய் ஜோக்ஸ்

2009-12-28T15:48:00.004+05:30

ரசிகர்:- எனுங்கண்ணா சாக்கடைக்குப்பக்கத்தில போய் சத்தமா கத்தீட்டு இருக்கீங்க?.

விஜய்:- சாமிக்கிட்ட மட்டும் தான் சைலன்சா போசுவன்... சாக்கடைக்கிட்ட இல்லை
Director : சார், படத்தோட கதைப்படி நீங்க கழுதை மேய்க்கிறீங்க.

Dr.VIjay: இமேஜ் கேட்டுபோயடுமே....!

Director: ஹையோ...சூப்பர் சார்..இதேதான் கழுதையும் சொல்லுச்சு...

பெண்: ஐயா..எனக்கு தாலி பிச்சை கொடுங்க..

தியேட்டர் ஓனர் : அதை என்கிட்டே வந்து எம்மா சொல்லுற...? ?

பெண் : தியேட்டருக்குள்ள என் புருஷன் வேட்டைக்காரன் படம் பார்க்க போயிருக்காரு...அதான்.

விஜய் : "நான் அடிச்சா தாங்கமட்ட, நாலு மாசம் தூங்கமாட்ட...."

டைரக்டர் : கட், கட், கட்...விஜய் சார் டயலாக்கை ஒழுங்கா கரெக்டா சொல்லுங்க.

விஜய் : " நான் நடிச்ச தாங்கமாட்ட, நாலு மாசம் தூங்கமாட்ட..."

வேட்டைக்காரன் பஞ்ச் டயலாக்

ஒருத்தன மட்டும் கோல பண்ணுனா அவன் பெரு கொலைகாரன்.

படம் பாக்குற எல்லாரையும் கொலை பண்ணுனா அவன் பேரு வேட்டைக்காரன்.

வேட்டைக்காரன் பாடல்:

”போஸ்டர் பாத்தா தாங்க மாட்ட,
ட்ரெய்லர் பாத்தா தூங்க மாட்ட,
படம் பாத்தா வீடு போய் சேர மாட்ட...”
படம் பார்த்த பின்பு:
“நிக்காம ஓடு ஓடு ஓடு
ஓடு ஓடு ஓடு ஓடு ஓடு
ஓடு ஓடு ஓடு ஓடு ஓடு
வாரேன் பாரு வேட்டைக்காரன்!.”
திரையரங்கிலிருந்து தப்பித்த பின்பு:
”என் உச்சி மண்டையில சுர்ர்ருங்குது
படத்த பார்க்கையில கிர்ர்ருங்குது,
டர்ர்ருங்குது”
இறுதியில் படத்தயாரிப்பாளர் நடிகர் விஜயிடம்:
”நான் அடிச்சா தாங்க மாட்ட,
மவனே இனி நீ நடிக்க வர மாட்ட
மக்களை வாழு வாழு வாழ விடு
வாரேன் பாரு'கொலைகாரன்'

டாக்டர் என் பிள்ளை பிழைச்சுக்குவானா?
விஷம் குடிச்சாக்கூட பிழைக்க வைச்சிருக்கலாம்...பையன் ரொம்ப தெளிவா வேட்டைக்காரன் டிரெய்லர் தொடர்ந்து 100 தடவை பார்த்து இருக்கான்..

நகைச்சுவைக்கு மட்டுமே...இன்னும் தொடரும்

புதிதாக அமையும் திரைப்பட நகருக்கு 'கலைஞர்' பெயர்!

2009-12-28T14:12:00.000+05:30

திரைப்பட நகரம், திரையுலகினர் குடியிருக்க இலவச வீடு, நலவாரியம் என ஏகப்பட்ட சலுகைகளை வாரி வழங்கி வரும் முதல்வர் கருணாநிதிக்கு நன்றி தெரிவித்து ஒட்டு மொத்த திரையுலகமும் மெரினா கடற்கரையிலுள்ள தொழிலாளர் சிலையிலிருந்து கோட்டை வரை பேரணி செல்கிறார்கள்.

புதிய திரைப்பட நகருக்கு முதல்வரில் நினைவாக, 'கலைஞர் நகர்' என்று பெயர் சூட்டவும் முடிவு செய்துள்ளனர்.

இந்த தகவலை தயாரிப்பாளர் சங்கத் தலைவர் ராமநாராயணன், பெப்சி தலைவர் வி.சி.குகநாதன் ஆகியோர் கூட்டாக வெளியிட்டுள்ள அறிக்கையில் தெரிவித்துள்ளனர்.

இதுகுறித்து அந்த அறிக்கையில் மேலும் கூறியிருப்பதாவது:

உயிர் கொடுத்து எம்மை உலகில் உலவவிட்ட தாய்க்கு நாம் நன்றி சொல்ல முடியாதோ, அதே போல்தான் தாயுள்ளத்தோடு கருணையின் உச்சத்தில் நின்று... குந்தக் குடிசை கூட இல்லாமல்.. நிரந்தர வருமானமோ, நிலையான தொழிலோ இல்லாமல் சினிமாவை நம்பி அல்லப்பட்ட 25 ஆயிரம் தொழிலாளர்கள் வாழ, நிலமும் பிழைக்க திரைப்பட நகரமும்... தயாரிப்பாளர்கள் இணைந்து வாழ்ந்திட அதே இடத்தில் வீட்டுமனையும் தந்து... தமிழ்த்திரையுலகை வாழ வைத்திருக்கும் கலை உலகக் காவலர் டாக்டர் கலைஞர் அவர்களுக்கு நன்றி சொல்ல வார்த்தைகள் போதாமல் தடுமாறி நிற்கிறோம்.

அக்டோபர் 9 ம் தேதி அகில இந்தியத் திரைப்படத் தொழிலாளர் மாநாட்டில் சொன்னார். அதன் பின்னர் நிலம் தேடுதல் பணி முடுக்கி விடப்பட்டது.. டிசம்பர் 21 ம் தேதி அமைச்சரவைக் கூட்டத்தில் திரைப்பட நகரம் அமைக்க பையனூர் கிராமத்தில் பட்டா எண்ணு டன் சட்டம் நிறைவேற்றப்படுகிறது.

கலை உலகத்தினர் மீது எந்த அளவு பாசம், பரிவு, கருணை, ஐம்பது ஆண்டு காலமாக கோடம்பாக்கத்துக்குள் சிறைப்பட்டிருந்த தமிழ் சினிமா உலகம் இயற்கை எழில் நிறைந்த விஸ்தீரனமான பழைய மகாபலிபுரம் வீதி யுள்ள பையனூருக்கு குடி போகிறது.

கலைஞர் நகர் என்ற எழில் சூழ்ந்த புதிய திரைப்பட நகரம் உருவாகிறது. தயாரிப் பாளர்கள், நடிகர்கள், இயக் குனர்கள், இசையமைப் பாளர்கள், தொழில் நுட்பக் கலைஞர்கள், சின்னத் திரை கலைஞர்கள், மக்கள் தொடர் பாளர்கள் அனைவரும் கூடி வாழ... படப்பிடிப் புத்தளங்கள், ஒலிப்பதிவுக் கூடங்கள், வீதிகள் இப்படி ஒரு புதிய திரைப்பட நகரம், கலைஞர் நகர் என்ற பெயரில் உருவாகிறது. இதற்கான நிலத்தை அளித்து தமிழ்த்திரையுலகின் புதிய அவதாரத்தை உருவாக்கி தந்த எமது முதல்வருக்கு கலை உலகம் காலமெல்லாம் நன்றியோடு நடந்து கொள்ளும்.

மிக விரைவில் தயாரிப்பா ளர்கள், இயக்குனர்கள், நடிகர், நடிகையர், இசை யமைப்பாளர்கள், எழுத்தாளர்கள், பெப்சியின் 23 சங்க நிர்வாகிகள் அனைத்து தொழிலாளர்கள், சின்னத்திரை கலைஞர்கள், தியேட்டர் அதிபர்கள், விநி யோகஸ்தர்கள், மக்கள் தொடர்பாளர்கள் ஆக ஒட்டு மொத்த திரையுலக மும் சேர்ந்து மெரினா கடற் கரையிலுள்ள தொழிலாளர் சிலையிலிருந்து கோட்டை வரை ஊர்வலமாக நடந்து சென்று தமிழக முதல் வருக்கு நன்றி சொல்ல இருக்கின்றனர் என்று அந்த அறிக்கையில் கூறப்பட்டுள்ளது.

ரேஷன் கடையில் காய்கறிகள்.. வாங்கக் குவியும் மக்கள்!

2009-12-28T12:29:00.001+05:30

முதல்வர் கலைஞர் அவர்களின் அறிவுறுத்தலின் பேரில் காய்கறிகளின் விலையைக் குறைத்திட தமிழக அரசு கூட்டுறவு நிறுவனங்களின் மூலம் மலிவு விலையில் காய்கறிகளை விற்பனை செய்திட முடிவு செய்யப்பட்டது. மளிகைப் பொருட்கள் விற்பனையைத் தொடர்ந்து, ரேஷன் கடைகளில் மலிவு விலையில் காய்கறி விற்பனையையும் ஆரம்பித்துள்ளது தமிழக அரசு.

சென்னையில் மட்டும் சோதனை அடிப்படையில் மேற்கொள்ளப்பட்ட இந்த முயற்சிக்கு பொதுமக்களிடம் அமோக வரவேற்பு கிடைத்துள்ளதால், இதனை தமிழகம் முழுக்க விரிவுபடுத்தும் திட்டத்தில் உள்ளது தமிழக அரசு.

வெளி மார்க்கெட்டில் காய்கறிகள் விலை கடுமையாக உயர்ந்து வருகிறது. குறிப்பாக அன்றாடம் சமையலுக்கு அவசியமான வெங்காயம், தக்காளி, இஞ்சி போன்றவற்றின் விலை மிகக் கடுமையாக உயர்ந்துள்ளது.

ஏழை, நடுத்தர மக்கள் குறைந்த விலையில் காய்கறிகளை வாங்குவதற்கு வசதியாக சென்னையில் கூட்டுறவு ரேஷன் கடைகளில் காய்கறி விற்பனை நேற்று முதல் தொடங்கியது. சோதனை அடிப்படையில் முதல்கட்டமாக சென்னையில் உள்ள 117 டியுசிஎஸ், ரேஷன் கடைகளில் மட்டும் காய்கறி விற்கப்பட்டது.

விவசாயிகளிடம் இருந்து காய்கறிகளை நேரடியாக கொள்முதல் செய்து மகளிர் சுய உதவிக்குழுக்கள் மூலம் தரம் பார்த்து தேவையான அளவுகளில் பாக்கெட்களில் அடைத்து விற்கப்படுகிறது.

கியாஸ் விற்பனை மையங்கள், மண்ணெண்ணை விற்பனை நிலையங்களிலும் வெளி மார்க்கெட்டை விட பாதி விலையில் இந்த காய் கறிகள் விற்கப்படுகின்றன.

காலை 8 மணி முதல் பகல் 12 மணி வரை மட்டுமே காய்கறிகள் விற்கப்படும். ஒவ்வொரு விற்பனை நிலையத்தின் முன்பும் காய்கறிகளின் விலைப்பட்டியலும் வைக்கப்பட்டுள்ளது.

இந்த விஷயம் தெரிய வந்ததுமே, பலரும் ரேஷன் கடைகளில் குவிந்துவிட்டனர். வெளிமார்க்கெட்டை விட கணிசமாக விலை குறைத்து விற்கப்படுவதால், காய்கறிகளை அள்ளிச் சென்றனர் மக்கள்.

சந்தை விலை மற்றும் டி.யு.சி.எஸ் விலை நிலவரம் வருமாறு:

வெங்காயம் - சந்தை விலை ரூ.34, டி.யு.சி.எஸ் ரூ.24.
தக்காளி - சந்தை விலை ரூ.27, டி.யு.சி.எஸ் ரூ.16.
உருளைக் கிழங்கு - சந்தை விலை ரூ.32, டி.யு.சி.எஸ் ரூ.18.
கோஸ் - சந்தை விலை ரூ.15, டி.யு.சி.எஸ் ரூ.8.
கேரட் - சந்தை விலை ரூ.36, டி.யு.சி.எஸ் ரூ.14.
பீன்ஸ் - சந்தை விலை ரூ.24, டி.யு.சி.எஸ் ரூ.14.
பீட்ரூட் - சந்தை விலை ரூ.24, டி.யு.சி.எஸ் ரூ.14.
சௌசௌ - சந்தை விலை ரூ.18, டி.யு.சி.எஸ் ரூ.8.
நூக்கொல் - சந்தை விலை ரூ.16, டி.யு.சி.எஸ் ரூ.6.
பச்சைமிளகாய் - சந்தை விலை ரூ.18, டி.யு.சி.எஸ் ரூ.10.
காலிபிளவர் பூ ஒன்று - சந்தை விலை ரூ.15, டி.யு.சி.எஸ் ரூ.10.

இந்த முயற்சிக்கு மக்கள் அளித்துள்ள வரவேற்பைத் தொடர்ந்து, தமிழகம் முழுக்க இத்திட்டத்தை நகரப்பகுதிகளில் மட்டும் முதலில் நடைமுறைக்குக் கொண்டுவரும் முயற்சியில் இறங்கியுள்ளது தமிழக அரசின் சிவில் சப்ளைஸ் துறை.

இதன் மூலம் விவசாயிகளும் கணிசமாக லாபம் பார்க்க முடியும் என்பதால் இத்திட்டத்துக்கு பல மட்டத்திலும் ஆதரவு பெருகியுள்ளது.

------------------------------------------------------------------

பல நல்ல திட்டங்களை அடுத்து அடுத்து அறிவித்து மக்களின் பேராதாரவை பெற்று வரும் திமுக அரசில்...விலைவாசி உயர்வால், அன்றாட, நடுத்தர மக்களிடம் அதிருப்தி இருந்துவந்தது. இதை எதிர்கட்சிகளும் குறிப்பாக கம்யூனிஸ்ட் கட்சிகள் சுட்டிக்காட்டிக் கொண்டு வந்தன. இந்த நிலையில் தமிழகத்தில் ஆட்சிப் பொறுப்பில் இருக்கும் திமுகவின், "ரேசன் கடைகளில் குறைந்த விலையில் காய்கறி விற்பனை" முயற்சி ஒரு புதிய முயற்சியாகவும், மக்களிடையே வரவேற்பையும் பெற்று அதிருப்தி நிலையைப் போக்கும் என்பதில் ஐயமில்லை.

உழவர் சந்தை , நமக்கு நாமே திட்டம், சமத்துவபுரம், ரேஷன் மளிகை, ரேஷன் காய்கறி, கலைஞர் காப்பீடு திட்டம், ஒரு கிலோ அரிசி ஒரு ரூபாய் இவை அனைத்தும் ஏழை மற்றும் நடுத்தர மக்களை கணிசமான அளவு திமுக பக்கம் அழைத்து வந்துள்ளது. மேலும் இதுபோன்ற திட்டங்களால் வரும் 2011 பொதுத் தேர்தலிலும் திமுக அமோக வெற்றிபெற்று புதிய வரலாறு படைக்கும் என்பதில் துளியும் சந்தேகமில்லை.

சிறப்பான திட்டங்களை செயல்படுத்தும்போது அதை வரவேற்பதில் தவறேதுமில்லையே.

தேர்தல் முடிவுகளால் எதிர்க்கட்சிகள் கலக்கம்.

2009-12-28T11:19:00.000+05:30

தமிழகத்தில் தி.மு.க., அரசு பொறுப் பேற்றது முதல் நடந்த அனைத்து இடைத் தேர்தல்களிலும் ஆளும் கட்சிக் கூட்டணி அசுர பலத்துடன் தொடர்ச்சியாக வெற்றி பெற்று வருவதால், எதிர்வரும் இடைத் தேர்தலை எதிர்கொள்ள வழி தெரியாமல் எதிர்க்கட்சிகள் பீதியில் ஆழ்ந்துள்ளன.

கடந்த 2006 சட்டசபை தேர்தலுக்கு பின், மதுரையில் துவங்கி திருச்செந்தூர் வரை 10 தொகுதிகளுக்கு இடைத்தேர்தல் நடந்து முடிந்துள்ளது. இந்த இடைத்தேர்தல்களில் ஆளுங்கட்சி கூட்டணி தொடர் வெற்றி பெற்று வந்துள்ளது.இதில், ஐந்து இடைத்தேர்தல்களை அ.தி.மு.க., புறக்கணித்தது. ஐந்தில் களம் கண்டது. தொடர் வெற்றிகளால், எப்போது இடைத் தேர்தல் நடந்தாலும், அ.தி.மு.க., உட்பட அனைத்து எதிர்க்கட்சிகளையும் தி.மு.க., எளிதில் ஊதித் தள்ளி விடுகிறது.இந்நிலையில் தற்போது, பெண்ணாகரம் தொகுதிக்கு இடைத் தேர்தல் அறிவிக்கப்பட்டுள்ளது. ஒரு இடைத் தேர்தல் முடிந்ததற்குள்ளாக, அடுத்த இடைத்தேர்தலை எதிர்கொள்வது தற்போது தமிழகத்திற்கு புதிது. வேறு வழியின்றி தமிழக கட்சிகள் இந்த இடைத் தேர்தலை எதிர்கொள்ள வேண்டியுள்ளன.

தி.மு.க.,வை பொறுத்தவரை இடைத் தேர்தலைப் பற்றிய கவலை சிறிதும் இல்லை. மத்திய, மாநில அரசுகள் தனது கைக்குள் இருப்பதால் எத்தகைய இடைத் தேர்தலையும் அந்த கட்சி எளிதில் சமாளித்து விடும். அதன் ஒரே கவலை செலவழிக்கப்படும் தொகை மட்டுமே.எப்படியும் வெற்றி பெற வேண்டும் என்பதற்காக இந்த இடைத் தேர்தலிலும் வழக்கம் போல் தி.மு.க., கூட்டணி அசுர பலத்துடன் செயல்படும். பெரிய கட்சியாக இருந்தும், தொண்டர் பலம் அதிகம் இருந்தும் இந்த தேர்தலை எப்படி எதிர்கொள்வது என்று தெரியாமல் அ.தி.மு.க., திணறி வருகிறது.ஒவ்வொரு இடைத் தேர்தல் முடிவின் போதும், அ.தி.மு.க., மீது எறியப்படும் விமர்சன அம்புகள், அக்கட்சியை திணறடித்து வருகிறது. தேவையற்ற இடைத் தேர்தல் சங்கடங்களை தவிர்க்கவும் அ.தி.மு.க., தலைமை நினைக்கிறது.

தேர்தலை புறக்கணிப்பு செய்யவும் கட்சித் தலைமை தயாராக இல்லை. அதே சமயம் தேர்தலை எதிர்கொண்டு வீண் வழக்கு, அலைச்சல், பண விரயத்தை செய்ய வேண்டுமா என்றும் அந்த கட்சி யோசித்து வருகிறது. இதனால், இருதலைக் கொள்ளி எறும்பு நிலைக்கு அ.தி.மு.க., தள்ளப்பட்டுள்ளது. பெரிய கட்சியான அ.தி.மு.க.,வின் நிலையே இப்படி என்றால், சிறிய கட்சிகளைப் பற்றி கேட்கவே வேண்டாம். அவை, பெண்ணாகரம் இடைத் தேர்தலை நினைத்து இப்போதே கலங்கிப் போய் உள்ளன.

வீம்புக்கு போட்டியிடவும், தோல்வி நிச்சயம் என்பது தெரிந்தும் வீணாக பணத்தை செலவழிக்கவும் அவை தயாராக இல்லை. அதே சமயம் தேர்தலை புறக்கணிப்பு செய்யவும், அந்த கட்சிகளுக்கு துணிச்சல் இல்லை.பிரதான எதிர்க்கட்சியான அ.தி.மு.க.,வே இடைத் தேர்தல்களை கண்டு விக்கித்து போய் உள்ளதால், மற்ற எதிர்க்கட்சிகளின் பாடு படுதிண்டாட்டமாக உள்ளது. இது ஆளும் கட்சி தரப்பை பெரிதும் உற்சாகப்படுத்தியுள்ளது.

நன்றி: தினமலர்.

80 வயதில்தான் செக்ஸ் ஆர்வம் அதிகரிக்கும் - ஆய்வு

2009-12-26T23:41:00.000+05:30

வயதானால் 'எல்லாம்' முடிந்து விடும் என்ற எண்ணம் நம்மில் பலருக்கு உண்டு. இந்த எண்ணமே அவர்களது இயல்பான செக்ஸ் ஆர்வத்திற்கு பெரும் முட்டுக்கட்டையாக மாறி விடுவதுண்டு.

ஆனால் 80 வயதில்தான் செக்ஸ் ஆசை அதிகரிக்கும் என்று அமெரிக்க ஆய்வு ஒன்று கூறுகிறது.

சிகாகோ பல்கலைக்கழகத்தின் உளவியல் பேராசிரியர் எட்வர்ட் வியூமான் தலைமையிலான குழு இதுகுறித்த ஆய்வு ஒன்றை நடத்தியது.

அதில், 57 முதல் 85 வயது வரை உள்ள ஆண், பெண் இருவரிடமும் எந்த வயதில் செக்ஸ் ஆசை அதிக அளவில் இருந்தது என்று கேட்கப்பட்டது.

இந்த ஆய்வில், 1,550 ஆண்களும், 1,755 பெண்களும் கலந்து கொண்டனர். அவர்களைத் தேடிப் போய் கருத்து கேட்கப்பட்டது.

கருத்துச் சொன்னவர்களில் 68 சதவீதம் ஆண்களும், 42 சதவீதம் பெண்களும் தாங்கள் தற்போதும் செக்ஸ் உறவில் ஈடுபடுவதாக தெரிவித்தனர்.

அதிலும் 80 முதல் 85 வயது வரைக்குட்பட்டவர்கள்தான் பெருமளவில் செக்ஸ் ஆர்வம் அதிகம் உள்ளவர்களாக இருக்கின்றனர் என்பதும் தெரிய வந்தது.

மேலும், 'அதை' வேண்டாம் என்று ஒதுக்கி வைத்திரு்நதவர்கள், உடல் ரீதியாகவும், மன ரீதியாகவும் பல பிரச்சினைகளுடன் இருப்பதும் கண்டு பிடிக்கப்பட்டது. இவர்களிடையே, கணவன் மனைவி உறவும் நெருக்கமாக இல்லாததும் தெரிய வந்தது.

செக்ஸ் உறவு வைத்து கொள்பவர்களில் 60 வயதினரைவிட 80 வயதினர் நல்ல உடல் நலத்துடன் உள்ளனர். உடல் ரீதியாகவும், மன ரீதியாகவும் அதிக ஆரோக்கியத்துடன் உள்ளனர் என்றும் அந்த ஆய்வு கூறுகிறது.

--------------------------------------------

ஆந்திராவின் ஆளுநர், 86 வயாதான என்.டி. திவாரி ராஜ் பவனில் ஆடிய காமக் களியாட்டங்கள் மூலம் இப்போது இந்த ஆய்வு உண்மை என்று நம்ப முடிகிறது.

இந்தியாவின் மோசமாக மாசுபடுத்தப்பட்டுள்ள 20 தொழிற்பேட்டைகளில் 3 தமிழகத்தில்

2009-12-26T20:37:00.001+05:30

அதிகாரபூர்வ அரசாங்க அறிவிப்பின் படி இந்தியாவில் மோசமாக மாசுபடுத்தப்பட்டுள்ள 20 தொழிற்பேட்டைகளில் 3 தமிழகத்தில் உள்ளது. அவ்வறிக்கையின் படி இந்தியாவில் அதிக மாசுபடுத்தப்பட்டுள்ள தொழில் பகுதிகளில் வேலூர், கடலூர், சென்னை புறநகர் பகுதியான மணலி ஆகியவை முறையே 8,16,20 வது இடத்தை பிடித்துள்ளன.

ஐஐடி டெல்லி, மத்திய மாசு கட்டுபாட்டு வாரியம் மற்றும் மாநில மாசு கட்டுபாடு வாரியங்களின் உதவியுடன் இவ்வறிக்கையை தயாரித்துள்ளது. இந்தியாவில் மொத்தமுள்ள 88 தொழிற்பேட்டைகளில் 85 சதவிகிதம், 75 தொழிற்பேட்டைகள் மோசமாக மாசுபடுத்தப்பட்டுள்ளன. முன்னேறிய மாநிலம் என்று சொல்லப்படும் குஜராத்தில் உள்ள அங்கலேஸ்வர் மற்றும் வாபி ஆகியவை தான் இந்தியாவிலேயே அதிக மாசுபடுத்தப்பட்டவை என்பது குறிப்பிடத்தக்கது.

கோயம்புத்தூர், திருப்பூர், மேட்டூரும் மோசமாக மாசுபடுத்தப்பட்டுள்ள பட்டியலில் இடம் பிடித்துள்ளன. ஈரோட்டில் மட்டுமே மாசு அரசாங்கம் நிர்ணயித்த வரம்புக்குள் உள்ளது என்பது குறிப்பிட்த்தக்கது. இவ்விபரங்களை பாராளுமன்றத்தில் வெளியிட்டு பேசிய மத்திய அமைச்சர் ஜெய்ராம் ரமேஷ் மாசு கட்டுப்படுத்தப்படும் வரை இப்பகுதிகளில் புதிய தொழிற்சாலைகள் கட்டுவது நிறுத்தப்பட வேண்டும் என்றும் அதை மாநில அரசுகள் கண்காணிக்க வேண்டும் என்றார்.

தேசிய தரவரிசை பட்டியலில் இடம் பிடித்துள்ள தமிழக தொழிற்பேட்டைகள்

தரவரிசை	தொழிற்பேட்டை	மாசு-காற்றில்	மாசு-தண்ணீரில்	மாசு-நிலத்தில்
8	வேலூர்	அபாய அளவு	அபாய அளவு	அபாய அளவு
16	கடலூர்	அதிக மாசு	அபாய அளவு	அபாய அளவு
20	மணலி	அபாய அளவு	அதிக மாசு	அதிக மாசு
34	கோவை	அபாய அளவு	அதிக மாசு	வரம்புக்குள்
51	திருப்பூர்	அதிக மாசு	அதிக மாசு	அதிக மாசு
56	மேட்டூர்	வரம்புக்குள்	அதிக மாசு	வரம்புக்குள்
78	ஈரோடு	வரம்புக்குள்	வரம்புக்குள்	வரம்புக்குள்

விஜயகாந்து கட்சி வெற்றி பெற என்ன வழி ?.

2009-12-26T18:33:00.000+05:30

திருச்செந்தூர், வந்தவாசி இடைத்தேர்தல் முடிவுகள் ஜனநாயக முறைக்கு எதிரானது. எந்த ஊழலை ஒழிக்கப் பாடுபடுகிரோமோ அந்த ஊழல் பணம்தான் ஆளும் கட்சியான திமுகவுக்கு வெற்றியைத் தேடித் தந்துள்ளது.

நேர்மையாகத் தேர்தல் நடத்த வேண்டிய தேர்தல் ஆணையம் இந்த இடைத் தேர்தலை ரத்துச் செய்திருக்கவேண்டும்.

எத்தனை முறை பணம் கொடுத்தாலும் அத்தனை முறையும் தேர்தலை ரத்துச் செய்யவேண்டும். அப்போதுதான் நேர்மையாக தேர்தல் நடைபெறும்.
- என்று டைம்பாஸ் அரசியல்வாதி விஜயகாந்து தனது படுதோல்விக்குப் பட்டுத்திரை போட்டு மூட முயன்றிருக்கிறார்.

திருச்செந்தூர், வந்தவாசி ஆகிய இரு தொகுதிகளிலும் விஜயகாந்து கட்சி டெபாசிட் தொகையை இழந்துள்ளது என்பதோடு, சென்ற தேர்தலில் வாங்கிய வாக்குகளைக் கூட இந்தத் தேர்தலில் வாங்க முடியவில்லை.

1 ) திருசெந்தூர் தொகுதியில் கடந்த தேர்தலில் 3756 வாக்குகளை இவரது கட்சி வாங்கியது.

இந்தத் தேர்தலிலோ -
கை சுத்தம்
அதைவிட
வாய் சுத்தம்
மணக்கும்
வாயோடு தொகுதியை வளம் வந்தார் விஜயகாந்து. எனினும் இந்தத் தேர்தலில் அவரது கட்சி பெற்ற மொத்த வாக்குகள் 4186. சென்ற தேர்தலைவிட, 430 வாக்குகள் மட்டுமே அதிகம் பெற்று டெபாசிட்டை இழந்திருக்கிறது அவரது கட்சி.

2) வந்தவாசி தொகுதியில் கடந்த தேர்தலில் விஜயகாந்து கட்சி பெற்ற வாக்குகள் மொத்தம் 9096.
இந்தத் தேர்தலிலோ 7063 தான்.

போன தேர்தலில் விஜயகாந்து கட்சிக்கு வாக்களித்த 2033 பேர் "சோதனை மேல் சோதனை போதுமடா சாமி" என்பது போல விஜயகாந்து கட்சியைக் கை கழுவி விட்டார்கள். 9 ஆய்ரமாக இருந்தால்தான் என்ன ? இரண்டு தேர்தலிலும் டெபாசிட் என்னவோ காலிதான்.

மற்றபடி - எத்தனை முறை பணம் கொடுத்தாலும் அத்தனை முறையும் தேர்தலை ரத்து செய்யவேண்டும். அப்போதுதான் தேர்தல் நேர்மையாக நடைபெறும் என்கிறார்.

இதற்கு உண்மையான அர்த்தம் என்ன ?

4 ஆயிரம் ஓட்டும், 7 ஆயிரம் ஓட்டும் பெற்று டெபாசிட் இழக்கும் விஜயகாந்து கட்சியே வெற்றி பெற்றது என்று அறிவிக்கும் வரையில் தேர்தலை ரத்து செய்யவேண்டும்.

நமது அரசியல் சட்டப்படி - அது முடியுமா ?

டெபாசிட் இழந்த கட்சியைத்தான் வெற்றி பெற்ற கட்சி என்று அறிவிக்க தேர்தலி சட்டத்தில் ஒரு திருத்தம் கொண்டு வந்து நிறைவேற்ற வேண்டும். அப்படிப்பட்ட திருத்தம் கொண்டு வர பாராளுமன்ற உறுப்பினர்கள் என்ன பைத்தியக்காரர்களா ?.

பாடையில போகுற வயசுல...படுக்கையறை உல்லாசம்.

2009-12-26T16:20:00.000+05:30

ஆந்திர மாநில ஆளுநர் என்.டி.திவாரி, ராஜ்பவன் படுக்கை அறையில் பெண்களுடன் இருப்பது போன்ற டிவி வீடியோ படத்தால் அங்கு பெரும் சர்ச்சை எழுந்துள்ளது. கவர்னர் சம்பந்தப்பட்ட வீடியோ காட்சிகள் ஆந்திர மாநிலத்தில் மட்டுமின்றி டெல்லியிலும் அதிர்ச்சி அலையை ஏற்படுத்தியுள்ளது.

ஏபிஎன் ஆந்திரஜோதி என்ற தனியார் தொலைக்காட்சி சானல் இந்த செய்தியை வீடியோவுடன் வெளியிட்டு பெரும் பரபரப்பை ஏற்படுத்தியுள்ளது.

ஆந்திர மாநில ஆளுநராக இருப்பவர் உத்தரகாண்ட் மாநிலத்தைச் சேர்ந்த முன்னாள் காங்கிரஸ் தலைவர் என்.டி.திவாரி எனப்படும் நாராயண் தத் திவாரி. இவர் உ.பி. முதல்வராக 3 முறையும், உத்தரகாண்ட் மாநிலத்தின் முதல் முதல்வராகவும் இருந்தவர்.

ஏற்கனவே தெலுங்கானா காரணமாக கொதிப்பில் இருக்கும் ஆந்திராவில் திவாரி பிரச்சினை புதிய பரபரப்பை ஏற்படுத்தியுள்ளது. தெலுங்கானா பிரச்சினையால் முடங்கிப் போய்க் கிடந்த தெலுங்கு தேசம் கட்சி, திவாரிப் பிரச்சினையை உடும்புப் பிடியாக பிடித்துக் கொண்டு போராட்டத்தில் குதித்துள்ளது.

நேற்று காலை இந்த வீடியோ செய்தி வெளியானதைத் தொடர்ந்து ராஜ்பவன் நோக்கி பெண்கள் அமைப்பினர், தெலுங்கு தேசம் கட்சியினர் படையெடுத்து போராட்டத்தில் குதித்தனர். இதையடுத்து போலீஸார் பெருமளவில் குவிக்கப்பட்டு பெண்களைக் கைது செய்து அப்புறப்படுத்தினர்.

திவாரி குறித்த செய்தியால் அதிர்ச்சி அடைந்த ராஜ்பவன் உடனடியாக ஆந்திர உயர்நீதிமன்றத்தில் பொது நலன் மனு ஒன்றைத் தாக்கல் செய்தது.

அதில் ஆந்திர ஜோதி டிவியில் காட்டப்படுவது திரிக்கப்பட்ட உண்மைக்குப் புறம்பான காட்சிகள். ஆளுநரின் நற்பெயருக்குக் களங்கம் விளைவிக்கும் முயற்சி. உடனடியாக இதை தடுத்து நிறுத்த வேண்டும் என்று கோரப்பட்டிருந்தது.

இதையடுத்து படு வேகமாக செயல்பட்ட ஆந்திர உயர்நீதிமன்றம், அந்த செய்தியை ஒளிபரப்பவும், வீடியோவைக் காட்டவும் ஆந்திர ஜோதிக்கு தடை விதித்து உத்தரவிட்டது. இதையடுத்து ஆந்திர ஜோதி வீடியோ படத்தைக் காட்டுவதை நிறுத்தியது.

அந்தக் காட்சி...

ராஜ்பவன் மாளிகையின் படுக்கை அறையில் இந்தக் காட்சி விரிகிறது. இரவு நேரத்தில் இது படமாக்கப்பட்டுள்ளது. என்.டி.திவாரி படுக்கை அறையில் உட்கார்ந்துள்ளார். அவருக்கு அருகில் 3 பெண்கள் உள்ளனர்.

அவர்களில் ஒரு பெண்ணுக்கு 18 வயது என்று கூறப்படுகிறது. திவாரியின் வயது 87 ஆகும். இன்னொரு பெண் கர்ப்பிணி என்று கூறப்படுகிறது.

அம்பலப்படுத்திய ராதிகா...

திவாரியின் இந்த செக்ஸ் ஊழலை அம்பலப்படுத்தியவர் உத்தரகாண்ட் மாநிலத்தைச் சேர்ந்த ராதிகா என்ற பெண் ஆவார்.

ராஜ் பவன் அதிகாரி ஒருவரின் உத்தரவின் பேரில் திவாரிக்காக தான் இந்தப் பெண்களை அனுப்பி வைத்ததாக அவர் கூறியுள்ளார்.

இதுகுறித்து அவர் கூறுகையில், திவாரிக்கு பெண் மோகம் அதிகம். அவருக்காக நான் பல பெண்களை அனுப்பி வைத்துள்ளேன். அனைவரும் ராஜ்பவன் வேலைக்காக என்று கூறி சேர்க்கப்படுவர். ஆனால் அவர்களை திவாரிதான் தனது இச்சைகளுக்குப் பயன்படுத்தி வந்தார்.

எந்த நேரத்தில் அவர் பெண் வேண்டும் என்று கேட்பார் எனக் கணிக்கவே முடியாது. திடீரென நள்ளிரவில் கேட்பார், சில சமயம் மதிய உணவை முடித்ததும் கேட்பார்.

எனக்கு கடப்பாவில் சில கல்குவாரிகளை நடத்த விருப்பம் இருந்தது. இதற்காக லைசென்ஸ் வாங்கித் தருவதாக திவாரி உறுதியளித்திருந்தார். ஆனால் சொன்னபடி அவர் செய்யவில்லை. இதையடுத்தே இந்த வீடியோ படத்தை அம்பலப்படுத்தி ஆந்திரஜோதிக்குக் கொடுத்தேன் என்று கூறியுள்ளார் ராதிகா.

டிஸ்மிஸ் செய்ய வேண்டும் - நாயுடு

திவாரி விவகாரம் குறித்து கருத்து தெரிவித்துள்ள தெலுங்கு தேசம் தலைவர் சந்திரபாபு நாயுடு, ஆந்திரஜோதி டிவியில் காட்டிய காட்சிகள் மிகவும் அசிங்கமானவை, ராஜ்பவனுக்கு பெரும் களங்கத்தை ஏற்படுத்தி விட்டார் திவாரி. ஆந்திராவுக்கு பெரும் அவமானத்தைத் தேடித் தந்து விட்டார்.

அவரை உடனடியாக பதவி நீக்கம் செய்ய வேண்டும். அவர் பதவியில் நீடிக்க அனுமதிக்கக் கூடாது என்று கூறியுள்ளார்.

இதேபோல திவாரியை டிஸ்மிஸ் செய்ய வேண்டும் என்று பல்வேறு மகளிர் அமைப்புகளும் வலியுறுத்தியுள்ளன. அதுவரை போராட்டத்தில் குதிக்கப் போவதாகவும் அவை கூறியுள்ளன.

திவாரிக்கு எதிராக சித்தூர், நெல்லூர், கம்மம், அடிலாபாத் உள்ளிட்ட மாவட்டங்களில் பெண்கள் அமைப்புகள் போராட்டத்தில் ஈடுபட்டுள்ளன.

தெலுங்கானா போராட்டத்தால் ஆந்திர மாநிலத்தில் சட்டம் ஒழுங்கு பாதிக்கப்பட்டுள்ள நிலையில், அங்கு ஜனாதிபதி ஆட்சியை கொண்டுவரலாமா என்று மத்திய அரசு ஆலோசித்து வரும் நிலையில், அம்மாநில கவர்னர் மீது எழுந்துள்ள செக்ஸ் புகார் பெரும் அதிர்ச்சியை ஏற்படுத்தியுள்ளது.

ஜனாதிபதி ஆட்சியை கொண்டு வந்தால் சட்டம் ஒழுங்கு நிலைநாட்ட ஒரு திறமையான, முழுநேரம் பணியாற்றக்கூடிய தலைவர் தேவை. 86 வயதான என்.டி.திவாரி அதற்கு பொருத்தமாக இருக்க மாட்டார் என்று ஏற்கனவே காங்கிரஸ் மேலிடம் கருதியது. இந்தநிலையில் திவாரி மீது புகார் வந்துள்ளதால் புதிய கவர்னரை நியமிக்க வேண்டிய கட்டாயத்திற்கு மத்திய அரசு ஆளாகியுள்ளது.

--------------------------------------------

பாடையில போற வயசுல....படுக்கையறையில் பெண்களுடனும், விபச்சார அழகிகளுடனும் உல்லாசம்.

ச்..சி..சீ.. கேவலம். ஷிட் .

மன்மோகன் சிங் : இந்த வயசுலயும், எப்படி உங்களால மட்டும் இப்படியெல்லாம் பண்ண முடியுது ?.

என்.டி.திவாரி: அய்யே..ரொம்ப புகழாதீங்க. இதுகெல்லாம் போயி கையெடுத்து கும்டுகிட்டு. ராஜ் பவனுக்கு வாங்க விவரமா சொல்லித்தாரேன்.

மன்மோகன் சிங் : ??????????

ஐயப்பன் - "பவர்" இல்லாத அப்பன் ?

2009-12-26T15:22:00.000+05:30

இந்து முன்னணி மாநில அமைப்பாளர் நா.முருகானந்தம் வெளியிட்டுள்ள அறிக்கையில்,

கடந்த சில நாட்களாக சபரிமலையில் தொடர்ந்து குண்டு வெடிப்பு சம்பவங்கள் நடைபெற்றுக்கொண்டிருக்கின்றன.

சபரிமலை விழா சமயத்தில் பலத்த போலீஸ் காவல் இருக்கும் என்று கேரள அரசு அறிவித்த பிறகும், போலீஸ் துறையின் பலத்த பாதுகாப்பையும் மீறி இந்த குண்டு வெடிப்பு சம்பவங்கள் நடப்பது பக்தர்களிடையே பீதியை கிளப்பி உள்ளது.

மொத்தத்தில் கோடிக்கணக்கான மக்கள் வழிபாடு செய்யும் முக்கிய இந்துத் திருவிழாவான சபரிமலையில் இந்துக்களை பயமுறுத்துவதற்காகவும், மக்களை சபரிமலை வரவிடாமல் தடுப்பதற்காகவும், அரசு எந்திரங்களுக்கு சவால் விடுவதற்காகவும் தான் பயங்கரவாதிகள் இந்த மாதிரியான செயல்களில் ஈடுபடுகின்றனர்.

பக்தர்களை காக்க வேண்டிய பொறுப்பு மாநில, மத்திய அரசின் கைகளில் உள்ளது. தமிழ்நாடு, கர்நாடகா, ஆந்திரா, கேரளா போலீஸ் துறை இணைந்து செயல்பட வேண்டியதும் அவசியம் ஆகும். எனவே, மத்திய, மாநில அரசுகள் இணைந்து பக்தர்களின் மனதில் நம்பிக்கையை ஏற்படுத்தி பயங்கரவாதிகளின் கொட்டத்தை அடக்க வேண்டுமென இந்து முன்னணி கேட்டுக்கொள்கிறது என்று கூறியுள்ளார்.

நன்றி:நக்கீரன்.

--------------------------------

இதை படித்துவிட்டு மக்களின் அறியாமையை நினைத்து சிரிப்பதா அழுவதா என்று தெரியவில்லை.

" பக்தர்களைக் காக்க வேண்டிய பொறுப்பு மாநில, மத்திய அரசின் கைகளில் உள்ளது " - என்று கூறுவதிலிருந்தே அவர்களுக்கே ஐயப்பனின் மீது நம்பிக்கையில்லை என்ற உண்மை புலனாகிறது.

" மத்திய மாநில அரசுகள் இணைந்து பக்தர்களின் மனதில் நம்பிக்கையை ஏற்படுத்தி " என்பதின் மூலம்...உண்மை இல்லாதவற்றை உண்மை என்று மக்களிடத்தில் கூறி நம்பிக்கை என்ற பெயரில் மூட நம்பிக்கையை வளர்த்துள்ளனர் என்பதும் புலனாகிறது.

மக்களிடத்தில் இன்னும் அதே பொய்யான நம்பிக்கையை வளர்க்க மத்திய மாநில அரசுகளின் அதிகாரத்தை நாடுகின்றனர்.

ஐயப்பன் இருக்கும் சபரிமலையில் தொடர் குண்டு வெடிப்புகள் மூலம்..., ஐயப்பன் வெறும் கல் என்பதும், ஐயப்பனின் கதை ஒரு கட்டுக்கதை என்கிற உண்மையும், மக்களின் மனதில் ஏற்படுத்தப்பட்டுள்ள ஒரு போலியான மோசமான மூடநம்பிக்கை என்று தெரியவருகிறது.

ஐயப்பன் - "பவர்" இல்லாத அப்பன் என்பதை மக்கள் புரிந்துகொள்ள வேண்டும்.

அறியாமையைப் போக்குங்கள். அறிவுடன் பகுத்தறிவையும் சேர்த்து வளர்த்துக் கொள்ளுங்கள். உண்மையை உணருங்கள். பிறருக்கும் தெரிவியுங்கள்.

கட்சி ஊழல்களையே கேப்டனால கட்டுபடுத்த முடியல.!!!

2009-12-26T13:50:00.001+05:30

" கேப்டன் கட்சி ஆரமிச்ச புதுசுல, 'நான் ஊழல் செஞ்ச பணத்துல கட்சி ஆரம்பிக்கலை, ஏன் சொந்த பணத்தைப் போட்டுதான் கட்சி நடத்துறேன். நான் பாடுபட்டு சம்பாதிச்ச சொத்துக்களைக் கூட இழந்திருக்கேன்'னு அடிக்கடி சொல்வார்.

ஆனா, இப்போ தேமுதிக-வுக்குள்ள நடக்கற சில ஊழல்களையே கேப்டனால கட்டுபடுத்த முடியல. தமிழ்நாட்டுல இருக்குற எல்லா மாவட்டங்களிலும் கட்சி பொறுப்புகள் விலை பேசி விற்கப்படுவதாக தகவல் பரவியுள்ளது.

இப்படி பதவிக்கு பணம் வாங்குராங்கலேன்னு மாவட்டச் செயலாளர்களையோ, பொறுப்பாளர்களையோ மட்டும் குறை சொல்ல முடியாது. ஏன்னா, கட்சித் தலைமைக்கான தேர்தல் செலவுக்கு இவர்களும் தங்களைத் தயார்படுத்திக்க வேண்டியிருக்கு.மாநாடு, பேரணி ஏன் அறிவிக்கும்போது மாவட்ட செயலாளர்களிடமும் லட்சக்கணக்கில் பணத்தைக் கேட்கிறது தலைமை.

இதற்கிடையில், திமுக அரசு பக்காவாகத் திட்டமிட்டு பல கட்சிகளில் இருந்தும் இளைஞர்களை இழுக்க ஆரம்பித்த பிறகு, தேமுதிகவுக்கு புதிதாக வருகிற இளைஞர்களின் எண்ணிக்கையும் முன்பு போல் இல்லை. வேற கட்சிகளில் இருந்துவிட்டு இப்ப ஆதரவில்லாமல் உள்ள சில ஊழல் அரசியல்வாதிகள்தான் அதிகம் வாறாங்க."

நன்றி: ஜூனியர் விகடன்.

--------------------------------------

மக்களே சிந்திங்க...கட்சிகுள்ளாரையே ஊழலை ஒழிக்க முடியாத இவர்....,ஊழலை ஒழிப்பேன்னு ஒழிப்பேன்னு வாய் கிழிய பேசுவது மக்களிடம் ஓட்டுக்களைப் பெற ஒரு ஏமாற்றுப் பேச்சு என்று.

விஜயகாந்துக்கு உண்மையிலேயே ஊழலை ஒழிக்க ஆசை என்றால்...முதலில் பண்ரூட்டி ராமச்சந்திரனை கட்சியில இருந்து நீக்கியிருக்க வேண்டும். எம்ஜிஆர் ஆட்சியின் போதே ஊழல் செய்ததற்கான குற்றச்சாட்டு அவர் மேல் உண்டு.

விஜயகாந்து பின்னாடி,அவரை நம்பி கட்சியில சேர்ந்து கைகாசப் போட்டு...தேர்தலுக்கும், பேரணி, மாநாடு, ஆர்ப்பாட்டங்களுக்கும், பணத்தை தண்ணிபோல செலவு செய்துவிட்டு பின்னர் புலம்பாமல், முன்ஜாக்கிரதையோடு இருப்பது நல்லது. வீணா செலவு பண்ணுற காசுல நாலு பிள்ளைங்கள படிக்க வச்சா...வம்சம் முழுக்க பேரு சொல்லும்...இல்லைனா ஏதாவது ஒரு அனாதையில்லதுக்கோ, முதியோர் இல்லத்துக்கோ கொடுங்கப்பா...புண்ணியமாவது கிடைக்கும்.

படம் எடுக்க டைரக்டருமில்லை.

கூட நடிக்க நடிகையுமில்லை.

படத்தினை வாங்க விநியோகஸ்தருமில்லை.

படம் திரையிட தியேட்டருமில்லை.

படத்தை பார்க்க ஜனங்களும் தயாரில்லை

என்கிற உண்மை நிலையிலும் இவ்வளவு தைரியமா இவர் டைரக்ட் பண்ணி நடிச்சு படம் எடுக்குறதே...வருமான வரி கணக்கு காட்டதான்னு ஊருக்குள்ள பேசிகிறாங்க....இது எவ்ளோ உண்மையோ தெரியலை..ஆனா உண்மையா இருக்குமோன்னு மனசுக்கு படுது.

' டைம்பாஸ் ' அரசியல்வாதிகள் - ஸ்டாலின்

2009-12-24T10:54:00.000+05:30

இடைத்தேர்தல் தீர்ப்பின் மூலம் பொழுதுபோக்கு அரசியல்வாதிகளை மக்கள் புறக்கணித்துவிட்டார்கள் என்பது நிரூபணமாகியிருக்கிறது என்று துணை முதல்வர் மு.க.ஸ்டாலின் கூறினார்.

அவர் வெளியிட்டுள்ள அறிக்கை:

ஜனநாயகத்தில் மக்கள் தீர்ப்பே மகேசன் தீர்ப்பு. அந்தத் தீர்ப்பைத் தமிழக மக்கள் மீண்டும் அளித்திருக்கிறார்கள். கழகம் மகத்தான வெற்றியை ஈட்டியிருக்கிறது.

தமிழகத்தில் நடைபெறுவது கருணை மிக்க அரசு, மனித நேயத்துடன் திட்டங்களை நடைமுறைப்படுத்தும் அரசு, பாகுபாடு ஏதுமின்றி மாநில மக்கள் அனைவரையும் அரவணைத்து அவர்களின் நலனையும் உயிரையும் காக்கும் நல்லரசு என்பதைத் தங்கள் தீர்ப்பின் மூலமாக நிரூபித்திருக்கிறார்கள் தமிழக மக்கள்.

தமிழர்களின் கவசமாக இருப்பது முதல்வர் கருணாநிதி தலைமையிலான கழக அரசுதான் என்பதை இடைத்தேர்தல் தீர்ப்புகள் மீண்டும் உறுதிப்படுத்தியிருக்கின்றன. ஒரு பானை சோற்றுக்கு ஒரு சோறு பதம் என்பார்கள். அதுபோல, இந்த நல்லாட்சியின் தன்மையை அறிவதற்கு இந்த இடைத்தேர்தல்கள் பயன்பட்டுள்ளன.

தமிழகத்தின் வடபகுதியில் உள்ள வந்தவாசி, தென்பகுதியில் உள்ள திருச்செந்தூர் என இரு திசையில் உள்ள தொகுதிகளில் உள்ள தேர்தல்களில் மக்கள் அளித்துள்ள மகத்தான தீர்ப்பு, ஒட்டுமொத்த தமிழகத்தின் உணர்வுகளை வெளிப்படுத்துவதாக அமைந்துள்ளது.

மக்களுக்கு உண்மையான பலனளிக்கும் எங்கள் திட்டங்கள்தான் எல்லாத் தொகுதிகளுக்கும் பொதுவான கழக வேட்பாளர். ஆம்... கழகத்தின் சார்பில் ஒவ்வொரு தொகுதிக்கும் ஒரு வேட்பாளர் நிறுத்தப்பட்டாலும், பயனுள்ள திட்டங்களைத் தந்த தலைவர் கருணாநிதியே களத்தில் நிற்பதாக நினைத்து வாக்களித்து வருகிறார்கள் தமிழக மக்கள்.

சாதனைகளைச் சொல்லி வாக்கு கேட்கின்ற உரிமையும் துணிவும் கழகத்திற்கும் அதன் கூட்டணிக்குமே இருக்கிறது. வந்தவாசி, திருச்செந்தூர் இரண்டு தொகுதிகளிலும் 5 நாட்கள் பிரசாரம் செய்தபோது கழக அரசின் சாதனைப் பட்டியல்களைத்தான் முன்வைத்தேன். மக்கள் வரவேற்றனர்.

பொழுதுபோக்கு அரசியல்வாதிகளை மக்கள் பொருட்படுத்தவில்லை.

இடைத்தேர்தலை அதிமுக புறக்கணித்தது போன முறை. அதிமுகவை மக்கள் புறக்கணித்துவிட்டார்கள் என்பது நிரூபணமாகியிருக்கிறது இந்த முறை. தேர்தல் களத்திற்கு வந்தபோதே தோல்வி பயத்துடன் வந்துவிட்டு பயம்... பயம்... என்று சொல்வதற்கு பதில் பணம்.. பணம் என்று பிதற்றினார்கள். அவர்களுடைய நினைப்பெல்லாம் அதன் மீது தான்.

இரண்டு தொகுதிகளின் இடைத்தேர்தல் முடிவுகள், முதல்வர் கருணாநிதியின் சாதனை மகுடத்தில் பதிக்கப்பட்ட மேலும் இரண்டு வைரக் கற்கள். திமுக அரசின் சாதனைகள் தொடர்வதற்கு மக்கள் தந்துள்ள மற்றுமொரு அங்கீகாரம். பொதுத் தேர்தலிலும் கழகத்தின் வெற்றி தொடரும் என்பதற்கு தமிழகம் தந்துள்ள அச்சாரம்.

வெற்றியில் கூத்தாடாமலும், தோல்வியில் வண்டுவிடாமலும் எப்போதும் மக்கள் தொண்டாற்றும் மன உறுதியை கழகத் தொண்டர்கள் ஒவ்வொருவருக்கும் வழங்கியிருக்கிறார் முதல்வர்.

தமிழகத்தில் கருணைமிகு ஆட்சி நடைபெறுகிறது. அனைவர் மீதும் அன்பு செலுத்தி நல்ல பல திட்டங்களை நிறைவேற்றி வருகிறது. இந்த கருணையும் அன்பும் நீடித்து, தொண்டினைத் தொடர்வோம் என்று கூறியுள்ளார் ஸ்டாலின்.

வழக்கமாக ஸ்டாலின் அறிக்கைகள் வெளியிடுவதில்லை. இப்போது தான் தேர்தல் வெற்றிக்காக அறிக்கை வெளியிட்டுள்ளார்.

சொன்னதை செய்து காட்டிவிட்டோம்-அழகிரி, எதிர்பார்த்ததைவிட அதிக வெற்றி: மு.க.ஸ்டாலின்

2009-12-23T14:02:00.000+05:30

சொன்னதை செய்து காட்டிவிட்டோம்-அழகிரி

திருச்செந்தூர் இடைத் தேர்தலில் 40,000 வாக்கு வித்தியாசத்தில் வெற்றி பெறுவோம் என்று சொன்னேன். திமுக கொடுத்த வாக்குறுதிகளை எப்போதும் காப்பாற்றும். இப்போதும் சொன்னதை விட கூடுதலான வாக்கு வித்தியாசத்தில் வெற்றி பெற்றுள்ளது மகிழ்ச்சி தருகிறது என்று மத்திய அமைச்சரும், திருச்செந்தூர் தொகுதி தேர்தல் பொறுப்பாளருமான மு.க.அழகிரி கூறியுள்ளார்.

திருச்செந்தூர் தொகுதியில் திமுக வேட்பாளர் அனிதா ராதாகிருஷ்ணன் வெற்றி பெற்றது குறித்து அவர் கருத்து தெரிவிக்கையில், திமுக வாக்குறுதிகளைக் கொடுத்தால் அதை நி்ச்சயம் நிறைவேற்றும். திருச்செந்தூரில் 40,000 வாக்குகள் வித்தியாசத்தில் வெற்றி பெறுவோம் என்று கூறியிருந்தோம்.

இப்போது அதை விட கூடுதலான வாக்குகள் வித்தியாசத்தில் வெற்றி பெற்றுள்ளது மகிழ்ச்சி அளிக்கிறது.

திமுக அரசின் சாதனைத் திட்டங்களால் மக்கள் மன நிறைவுடன் உள்ளனர். குறிப்பாக கலைஞர் உயிர் காப்பீட்டுத் திட்டம், 108 ஆம்புலன்ஸ் சேவை என மக்கள் மன நிறைவுடன் உள்ளனர்.

இந்தத் தேர்தல் முடிவைப் பார்க்கும்போது பென்னாகரம் தொகுதியில் அதிமுக போட்டியிடுமா என்பதே சந்தேகம்தான் என்றார் அழகிரி.

எதிர்பார்த்ததைவிட அதிக வெற்றி: மு.க.ஸ்டாலின்

திருச்செந்தூர் சட்டமன்ற இடைத்தேர்தலில் திமுக வேட்பாளர் அனிதா ராதாகிருஷ்ணன் 46,861 வாக்குகள் வித்தியாசத்தில் பெற்றி பெற்றுள்ளார். வந்தவாசி திமுக வேட்பாளர் கமலக்கண்ணன் 33,810 வாக்கு வித்தியாசத்தில் முன்னிலையில் உள்ளார்.

இந்நிலையில் அண்ணா அறிவாலயத்தில் துணை முதல்வர் மு.க.ஸ்டாலினுக்கு திமுகவினர் சால்வை அணிவித்து வாழ்த்து தெரிவித்தனர். அப்போது இனிப்புகள் வழங்கி பேசிய ஸ்டாலின்,

எதிர்பார்த்ததைவிட அதிக வாக்குகள் பெற்று அனிதா ராதாகிருஷ்ணன் வெற்றி பெற்றுள்ளார். இது திமுக கூட்டணிக்கும், மக்களுக்கு திமுக அரசு அறிவித்த நல்ல திட்டங்களுக்கும் கிடைத்த வெற்றி என்றார். திருச்செந்தூர், வந்தவாசி தொகுதி வாக்காளர்களுக்கும், வெற்றிக்காக பாடுபட்ட கூட்டணிக் கட்சிகளுக்கும் எங்களது நன்றியை தெரிவித்துக்கொள்கிறோம்.

இந்த வெற்றியை அடுத்து இன்னும் விழிப்போடு மக்களுக்கு பணியாற்றுவோம் என்று ஸ்டாலின் பெருமிதத்தோடு கூறினார்.

வாக்காளர்களுக்கு நன்றி: கலைஞர்

மாபெரும் வெற்றியை அளித்த திருச்செந்தூர், வந்தவாசி தொகுதி வாக்காளர்களுக்கு முதல்வர் கருணாநிதி நன்றி தெரிவித்துள்ளார். மக்களுக்கு அறிவித்த திட்டங்களுக்கு கிடைத்த வெற்றி என்றும், திமுக கூட்டணிக்கு கிடைத்த வெற்றி என்றும் கூறியுள்ளார்

ஆட்டம் காணும் ஐயப்பனின் சபரி மலை.

2009-12-21T16:34:00.001+05:30

சபரிமலை சன்னிதானம் அருகே நேற்று இரவு பயங்கர சத்தத்துடன் குண்டு வெடித்ததால் பெரும் பரபரப்பு ஏற்பட்டது. வரிசையில் காத்திருந்த பக்தர்கள் அலறியடித்து ஓடினர். வெடிபொருளுடன் வந்த நபர்கள் யார் என்று தீவிர விசாரணை நடந்து வருகிறது.

சபரிமலை ஐயப்பன் கோயிலில் மண்டல பூஜை நெருங்குவதால் பக்தர்கள் கூட்டம் கடந்த சில நாட்களாக அதிகரித்துள்ளது. தீவிரவாதிகள் அச்சுறுத்தல் இருப்பதால் மத்திய அதிவேக அதிரடிப்படை போலீசார் உள்பட 1,500-க்கும் அதிகமான போலீசார் பாதுகாப்பு பணியில் ஈடுபட்டுள்ளனர்.

நேற்று ஞாயிறு என்பதால் கட்டுக்கடங்காத பக்தர்கள் கூட்டம் காணப்பட்டது. பம்பை, நிலக்கல் உள்ளிட்ட இடங்களிலும் கூட்டம் அதிகளவில் இருந்தது. பக்தர்கள் 8 மணி நேரத்துக்கும் அதிகமாக வரிசையில் காத்திருந்து ஐயப்பனை தரிசித்தனர்.

இரவு 8 மணி அளவில் சன்னிதானம் அருகே சரங்குத்தி பகுதியில் ஆயிரக்கணக்கான பக்தர்கள் வரிசையில் காத்திருந்தனர். நடை சாத்துவதற்குள் தரிசித்துவிட வேண்டும் என்பதால் பக்தர்கள் முண்டியடித்தபடி நின்றிருந்தனர். கயிறு கட்டி, பகுதி பகுதியாக பிரித்து பக்தர்களை போலீசார் அனுப்பிக் கொண்டிருந்தனர். அப்போது, பக்தர்கள் நின்றிருந்த இடத்தில் இருந்து சுமார் 15 அடி தூரத்தில் பயங்கர சத்தத்துடன் குண்டு வெடித்தது. பக்தர்கள் பதற்றம் அடைந்து நாலாபுறமும் சிதறி ஓடினர். இதனால் அப்பகுதியில் பதற்றம் ஏற்பட்டது.

சன்னிதானம் எஸ்.பி. சசிக்குமார் தலைமையிலான போலீசார், ஆயுதப்படை மத்திய அதிவேக அதிரடிப்படை, மற்றும் வெடிகுண்டு பிரிவு போலீசார் உடனடியாக விரைந்து வந்தனர். குண்டு வெடித்த இடத்தில் கிடந்த பொருட்களை சேகரித்தனர்.

காட்டு யானை உள்ளிட்ட விலங்குகளை விரட்ட பெரிய பாதையில் பல இடங்களில் வெடி வழிபாடு என்ற பெயரில் வெடிகள் வெடிக்கப்படும். பக்தர்கள் கட்டணம் செலுத்தினால் அவர்களது பெயரை சொல்லி வெடி வழிபாடு நடத்தப்படும். இந்த வெடிகளை பக்தர்களே சிலர் கொண்டு வந்து வெடித்திருக்கலாம் என்று கூறப்பட்டது. பக்தர்கள் கொண்டு வரும் பொருட்கள் அனைத்தும் பம்பையில் தீவிரமாக சோதனை செய்யப்படுகின்றன. அதை மீறி வெடிபொருளை எப்படி கொண்டு வந்துள்ளனர் என்பது தெரியவில்லை.

"சரங்குத்தி பகுதியில் நின்றிருந்தபோது 2 பேர் வெடிபொருட்களை வைத்திருந்தது போல தெரிந்தது. அது என்ன என்று அருகே இருந்தவர்கள் விசாரித்துக் கொண்டு இருக்கும்போதே வெடித்துவிட்டது" என்று சில பக்தர்கள் தெரிவித்தனர்.

அதிர்ஷ்டவசமாக குண்டு வெடிப்பில் யாருக்கும் காயம் ஏற்படவில்லை. வெடிபொருளுடன் நடமாடியதாக பக்தர்கள் கூறும் 2 நபர்கள் யார், தீவிரவாதிகளா? என்று தீவிர விசாரணை நடந்து வருகிறது. பம்பை மற்றும் சிறிய பாதை உள்பட சபரிமலை முழுவதும் பாதுகாப்பு பலப்படுத்தப்பட்டுள்ளது. பக்தர்களின் இருமுடி கட்டுகள், பை உள்பட அனைத்துப் பொருட்களும் கடும் சோதனைக்கு பிறகே அனுமதிக்கப்பட்டு வருகின்றன.

----------------------------------------------------------------------------------

யப்பப்பா ஐயப்பா....என்னப்பா இது சோதனை...
உன் இருப்பிடத்தையும், உன்னை நாடி, தேடி வரும் பக்தர்களையே காக்க முடியலையே...
உன் சக்தி குறைஞ்சிடுச்சாப்பா...இல்லை மூட்டை கட்டி வசிட்டியாப்பா.
பதில் நீயே சொல்லப்பா...

ஆ‌ட்‌சி‌ப் பொறுப்பில் இருந்து விலகுவது உறுதி: கருணாநிதி

2009-12-21T14:12:00.000+05:30

"அரசுப் பொறுப்பிலிருந்து சற்று ஒதுங்கி செயல்படுவேன் என்று நான் முன்பு சொன்னதை நான் ஒதுக்கிவிடவில்லை. முன்பு சொன்னது அப்படியேதான் உள்ளது" என்று முதலமை‌ச்ச‌ர் கருணாநிதி கூ‌றினா‌ர்.

கொல்கத்தா பாரதி தமிழ்ச் சங்கம் சார்பில் முதலமை‌ச்சர் கருணாநிதிக்கு தமிழ்த் தலைமகன் என்னும் விருது வழங்கும் விழா சென்னை வள்ளுவர் கோட்டத்தில் நே‌ற்று மாலை நடைபெற்றது.

முன்னாள் துணைவேந்தர் வி.சி. குழந்தைசாமி தலைமையில் நடைபெற்ற விழாவில், கொல்கத்தா தமிழ்ச் சங்க ஆலோசகர் த. ஞானசேகரன், கருணாநிதிக்கு விருதினை வழங்கினார்.

பின்னர் கருணாநிதி பேசுகை‌யி‌ல், கொல்கத்தா தமிழ்ச் சங்கம், டெல்லி தமிழ்ச் சங்கம், மும்பை தமிழ்ச் சங்கம் என தமிழுக்கு சேவை செய்யும் அனைத்து தமிழ்ச் சங்கங்களுக்கும் தி.மு.க. அரசு துணை நிற்கும்.

அரசியல் மேடைகளில் மாற்றுக் கட்சியினர் கூட என்னைப் பாராட்டியுள்ளனர். ஆனால், இந்த விழாவில் எனக்கு ஏன் இந்த விருது வழங்கப்படுகிறது என்பது குறித்து பேசிய விழா தலைவர் வி.சி.குழந்தைசாமி, தி.மு.க. ஆட்சியில் நிறைவேற்றப்படும் சமத்துவபுரம் திட்டத்தை ஒரு காரணமாகக் குறிப்பிட்டார். இது உண்மையிலேயே என்னை ஒருபடி மேலே உயரச் செய்தது.

கடந்த 10 ஆண்டுகளாக தி.மு.க. ஆட்சியில் சமத்துவபுரங்கள் அமைக்கப்பட்டு வருகின்றன. இதுவரை 95 சமத்துவபுரங்கள் தொடங்கப்பட்டுள்ளன. இது ஒரு சமுதாய மறுமலர்ச்சித் திட்டம். இங்கு சாதி, மத பேதங்கள் இல்லை என்ற நிலை ஏற்படும் வரை சமத்துவபுரங்கள் தோன்றிக்கொண்டே இருக்கும்.

அடுத்த ஆண்டு நடைபெற உள்ள தமிழ்ச் செம்மொழி மாநாட்டுக்கு முன்னோட்டமாக இந்த விழா நடைபெறுவதாக இங்கே குறிப்பிட்டார்கள். தமிழன் தலை நிமிர்ந்து வாழும் நிலை ஏற்பட வேண்டும் என்பதற்காக செம்மொழி மாநாட்டை நடத்துகிறோம்.

இந்த மாநாட்டுக்கு வர இயலாது, முடியாது என சிலர் கூறியுள்ளனர். அந்த ஓரிருவர் இல்லாவிட்டாலும்கூட, அவர்கள் இருந்தால் எந்த அளவு சிறப்போடு நடைபெறுமோ, அதே சிறப்போடு, உரிய பண்பாட்டோடு மாநாடு நடைபெறும். தமிழ்ப் பெருங்குடி மக்கள் உரிய ஒத்துழைப்பு அளித்தால், நாம் விரும்புகிற தமிழ்ச் சமுதாயத்தை அமைக்க முடியும். அது ஒரு புரட்சிகர, பகுத்தறிவு நிறைந்த சமுதாயமாக இருக்கும்.

எனக்கு இப்போது 86 வயதாகிறது. நான் இருக்கின்றவரை தமிழ் மக்களுக்காக தொடர்ந்து பாடுபடுவேன். இடையில் அரசுப் பொறுப்பிலிருந்து சற்று ஒதுங்கி செயல்படுவேன் என்று நான் முன்பு சொன்னது என்ன ஆனது என சிலர் கேட்கலாம். அதை நான் ஒதுக்கிவிடவில்லை. முன்பு சொன்னது அப்படியேதான் உள்ளது என்று முதலமை‌ச்ச‌ர் கருணாநிதி கூ‌றினா‌ர்.

ஜொலி.ஜொலிக்கிறது மெரீனா கடற்கரை.

2009-12-21T11:21:00.000+05:30

உலகில் உள்ள நீளமான கடற்கரையில் சென்னை மெரீனா கடற்கரையும் ஒன்றாகும். மெரீனா கடற்கரைக்கு தினமும் ஆயிரக்கணக்கான மக்கள் வந்து பொழுதைக் கழித்து செல்கின்றனர். இந்த எண்ணிக்கை வாரவிடு முறை, பண்டிகை நாட்களில் இரட்டிப்பாக அதிகரித்து வந்தது.

மெரீனா கடற்கரைக்கு வந்து செல்லும் பொது மக்கள், வெளிநாட்டு சுற்றுலா பயணிகளின் நலன்களைக் கருத்தில் கொண்டு சென்னை மெரீனா கடற்கரையை உலக கடற்கரைத் தரத்திற்கு உயர்த்த தமிழக அரசு முடிவு செய்தது. இதற்காக 25 கோடியே 92 லட்சம் ரூபாய் தமிழக அரசால் ஒதுக்கப்பட்டது.

கடந்த 2008ம் ஆண்டு பிப்ரவரி மாதம் மெரீனா கடற்கரையை அழகு படுத்தும் பணிகள் தொடங்கப்பட்டன. நேப்பியர் பாலத்தில் இருந்து கலங்கரை விளக்கம் வரை காமராஜர் சாலையில் கிழக்குப்பக்கம் 3.1 கி.மீ. நீளத்திற்கு நடைபாதை கருங்கல் பலகை கொண்டு அமைக்கப்பட்டுள்ளது.

நடைபாதையின் ஓரத்தில் அழகிய, கண்ணை கவரும் தூண்கள், துருப்பிடிக்காத ஸ்டீல் பைப்புகள் அமைக்கப்பட்டுள்ளன. மெரீனா கடற்கரைக்கு வரும் பொது மக்கள் உட்கார்ந்து ஓய்வு எடுப்பதற்காகவும், கடற்கரையின் அழகை ரசிக்கவும் 14 இடங்களில் வண்ண வண்ண கருங்கற்கள், கிரானைட் கற்கள் கொண்டு கடற்கரையை பார்த்த வண்ணம் உட்காரும் வகையில் நவீன இருக்கைகள் அமைக்கப்பட்டு உள்ளன.

நடைபாதைக்கும் கடற்கரை பயன்பாட்டு சாலைக்கும் இடையில் பூங்காக்கள் அமைக்கப்பட்டுள்ளன. பொதுமக்களுக்காக 4 இடங்களில் நவீன பொது கழிபபிடங்கள் அமைக்கப்பட்டு உள்ளன.

கண்ணகி சிலை அருகே நவீன முறையில் நடைபாதையும், சுரங்கப்பாதையும், கடற்கரையை சுற்றிலும் கண்கவரும் வகையில் பறவை வடிவிலான மின் விளக்குகளும் ரூ.4 கோடி செலவில் அமைக்கப்பட்டுள்ளது. காந்தி சிலை அருகில் அழகிய நீரூற்றுகள் அமைக்கப்பட்டுள்ளன.

இரவில் பொதுமக்கள் பார்த்து ரசிப்பதற்காக நீர் வீழ்ச்சிகளுக்கு இடையில் வண்ண விளக்குகளும் அமைக்கப்பட்டுள்ளது. கடற் கரையைச்சுற்றி நவீன வசதிகளுடன் பஸ் நிறுத்தங்கள், வாகனங்களை நிறுத்துவதற்காக நவீன கார் நிறுத்தங்களும் அமைக்கப்பட்டுள்ளது.

சென்னை நகர் முழுவதும் முக்கிய பகுதிகளில் பூங்காக்கள் கட்டி வரும் துணை முதல்வர் மு.க. ஸ்டாலின், சென்னை மெரீனா கடற்கரையை அழகு படுத்துவதிலும் பெரும் முனைப்பு காட்டினார்.

இதனால் இப்பணிகள் முழு வீச்சில் நடைபெற்றன. மேலும் அவ்வப்போது அதிகாலையில் திடீரென்று இந்த பணிகளை பார்வையிட்டு தீவிரப்படுத்தினார். அவரின் மின்னல் வேக நடவடிக்கையால் இந்த பணிகள் குறுகிய காலத்தில் முடிக்கப்பட்டுள்ளது.

நவீன முறையில் அழகு படுத்தப்பட்டுள்ள மெரீனா கடற்கரையின் திறப்பு விழா 20ஆம் தேதி காலை, காந்தி சிலை அருகே நடந்தது. துணை முதல்வர் மு.க.ஸ்டாலின் தலைமை தாங்கினார்.

முதல்வர் கருணாநிதி அழகுபடுத்தப்பட்ட மெரீனா கடற்கரையை காலை 10.20 மணிக்கு திறந்து வைத்தார். அங்கு மரக்கன்றும் நட்டார். பின்னர் அழகு படுத்தப்பட்ட கடற்கரையை பார்வையிட்டார்.

நிகழ்ச்சியில் அமைச்சர்கள் ஆற்காடு வீராசாமி, துரைமுருகன், பொன்முடி, கே.கே.எஸ்.எஸ்.ஆர். ராமச்சந்திரன், தங்கம் தென்னரசு, சுரேஷ்ராஜன், பூங்கோதை, பரிதி இளம்வழுதி, ராமச்சந்திரன், மத்திய அமைச்சர் ஆ.ராசா, மேயர் மா.சுப்பிரமணியன், துணை மேயர் சத்யபாமா.

தலைமை செயலாளர் ஸ்ரீபதி, குடிநீர் வழங்கல் துறை செயலாளர் நிரஞ்சன் மார்டி, மாநகராட்சி கமிஷனர் ராஜேஷ் லக்கானி, சட்டசபைசெயலாளர் செல்வராஜ், முன்னாள் அமைச்சர் சற்குணபாண்டியன், மாவட்ட செயலாளர்கள் ஜெ.அன்பழகன், வி.எஸ். பாபு, முன்னாள் எம்.எல்.ஏ. சைதை கா.கிட்டு மற்றும் கவுன்சிலர்கள், கட்சி பிரமுகர்கள் பலர் பங்கேற்றனர்.

Thanks to : Nakkheeran.

பா.ம.க.,விற்கு " செக் " வைத்த ஸ்டாலின்

2009-12-21T02:20:00.000+05:30

லோக்சபா தேர்தலின்போது, கூட்டணியை விட்டு வெளியேறிய பா.ம.க.,வை மீண்டும் சேர்ப்பதில் தி.மு.க., தயக்கம் காட்டுகிறது. இடைத்தேர்தலில் ஆதரவு தர, பா.ம.க., முன்வந்த போதிலும், அதை ஏற்காமல் தி.மு.க., புறக்கணித் துள்ளது.

கடந்த லோக்சபா பொதுத் தேர்தலில், திருச்செந்தூர் சட்டசபை தொகுதியில் 15 ஆயிரம் ஓட்டுக்களும், வந்தவாசி சட்டசபை தொகுதியில் 20 ஆயிரம் ஓட்டுக்களும் எதிர்கட்சியை விட கூடுதலாக தி.மு.க., பெற்றது.லோக்சபா தேர்தலில் பதிவாகிய ஓட்டுக்களை விட, இடைத்தேர்தலில் அதிகமான வித்தியாசத்தில் ஓட்டுக்களை பெற முடியும் என்ற நம்பிக்கை தி.மு.க.,விற்கு பலமாக இருக்கிறது.

இடைத்தேர்தலைக் காரணம் காட்டி, ஆளுங்கட்சியுடன் நெருங்கி விடலாம் என நினைத்த பா.ம.க.,வை புறக்கணிக்க, இந்த நம்பிக்கை காரணமாக அமைந்துள்ளது."எந்த நேரமும் முதல்வர் கருணாநிதியை சந்திக்க முடியும். ஆனால், ஜெயலலிதாவை சந்திக்க முடியாது' என்றெல்லாம் கூறி, ராமதாஸ் தனது கூட்டணி ஆசையை வெளிப்படுத்தினார். செம்மொழி மாநாட்டுக்கும் ஆதரவு தெரிவித்தார்.இடைத்தேர்தலில் ஆதரவு தருவது குறித்தும் ராமதாஸ் ஆளுங்கட்சிக்கு தூது விட்டார். ஆனால், பா.ம.க.,வின் ஆதரவை துணை முதல்வர் ஸ்டாலின் விரும்பவில்லை.

இது குறித்து, தி.மு.க., நிர்வாகி ஒருவர் கூறியதாவது:கடந்த லோக்சபா தேர்தலில் தி.மு.க., கூட்டணியில் பா.ம.க., இல்லாமல் வந்தவாசி தொகுதியில் 20 ஆயிரம் ஓட்டுக்களை தி.மு.க., பெற்றுள்ளது. தி.மு.க.,விலும் வன்னியர்கள் அதிகமாக உள்ளனர். பா.ம.க.,வின் ஆதரவை பெற்றால், அக்கட்சியால் தான் வந்தவாசியில் தி.மு.க., விற்கு வெற்றி கிடைத்தது என, ராமதாஸ் தம்பட்டம் அடிப்பார்.அதுமட்டுமல்லாமல், தேவையற்ற கோரிக்கைகளையும் வைத்து, தி.மு.க.,வுக்கு நெருக்கடி கொடுத்துக் கொண்டிருப்பார். அ.தி.மு.க., கூட்டணியை விட்டு பா.ம.க., வெளியேறி விட்டதால், அக்கட்சிக்கும் பா.ம.க.,வின் ஓட்டுக்கள் விழ வாய்ப்பு இல்லை. பா.ம.க.,வின் ஆதரவு இல்லாமல் தி.மு.க.,வால் வெற்றி பெற முடியும்.

பா.ம.க.,வினர் ஓட்டுக்களை எப்படி தி.மு.க.,வுக்கு கொண்டு வர வேண்டும் என்ற வித்தை, அமைச்சர் வேலுவுக்கு நன்றாக தெரியும். எனவே, அக்கட்சியை கண்டு கொள்ள வேண்டாம் என, துணை முதல்வர் சொல்லி விட்டார். அதனால்தான், பா.ம.க.,வின் ஆதரவை தி.மு.க., ஏற்கவில்லை.பா.ம.க.,விற்கு துணை முதல்வர் வைத்த "செக்'கிற்கு பின்னால், வன்னியர் சமுதாயத்தை சேர்ந்த அமைச்சர்கள் உள்ளனர். பா.ம.க.,வின் ஆதரவு தேவையில்லை என்பதற்கு போதுமான விளக்கங்களை அவர்கள் அளித்ததால் தான், துணை முதல்வர் திருப்தியானார்.

அதன் விளைவாகவே, பா.ம.க., ஆதரவு தேவையில்லை என்ற திடமான முடிவை, கட்சித் தலைமைக்கு ஸ்டாலின் தெரிவித்துள்ளார். அதன் அடிப்படையில், இடைத்தேர்தல் நடந்து முடிந்துள்ளது.பா.ம.க.,விற்கு துணை முதல்வர் வைத்துள்ள "செக்' இடைத்தேர்தலோடு முடிவுக்கு வருமா அல்லது பொதுத்தேர்தலிலும் தொடருமா என்பது, இடைத் தேர்தல் முடிவுகளின் அடிப்படையில் எடுக்கப்படும்.இவ்வாறு அவர் கூறினார்.

நன்றி: தினமலர்.

காஞ்சி செக்ஸ் சாமியார், சேலம் சாமியார், சென்னை சாமியார் : பாலியல் கொடூர வன்முறை, மோசடி பித்தலாட்டங்கள் அம்பலம்

2009-12-21T02:04:00.000+05:30

சேலம், சாமியார், காஞ்சிபுரம் செக்ஸ் சாமியார், சென்னை சாமியார் என மேலும் பல சாமியார்களின் பாலியல் வன்கொடுமைகள் மோசடி செய்திகள் குவிகின்றன.இதைக் கண்டு பெண்கள் கோவிலுக்குச் செல்ல அச்சமடைந்துள்ளனர். மேலும் இந்த சாமியார்களை கைது செய்து கடும் தண்டனை வழங்க வேண்டுமென்று பெண்கள் அமைப்பினர் மற்றும் பல்வேறு அமைப்புகளைச் சார்ந்தவர்கள் தெருவில் இறங்கி போராட்டம் நடத்தியுள்ளனர். இதனால் பெண்களிடையேயும், பக்திமான்களிடையேயும் கடவுள் நம்பிக்கை குறைந்து வருகிறது.

இவைகளைப்பற்றிய செய்திகள் வருமாறு:

காஞ்சிபுரம் செக்ஸ் சாமியார்

கோவில் கருவறையில் ஆபாச நடவடிக்கை-களில் ஈடுபட்ட அர்ச்சகருக்கு எதிராக காஞ்சிபுரத்தில் பெண்கள் போராட்டம் நடத்தினர்.

காஞ்சிபுரம், மச்சேஸ்வரர் கோவிலில் கருவறையில் பெண்களுடன் செக்ஸ் லீலைகளில் ஈடுபட்டதாக அர்ச்சகர் தேவநாதன் மீது சிவகாஞ்சி காவல்துறையினர் வழக்கு பதிவு செய்தனர். தலைமறைவான தேவநாதன் காஞ்சிபுரம் நீதிமன்றத்தில் சரண் அடைந்தார். பின்னர் அவர் வேலூர் சிறையில் அடைக்கப்பட்டார்.இந்நிலையில் அனைத்திந்திய ஜனநாயக மாதர் சங்கம், இந்திய தொழிற்சங்க மய்யம், ஜனநாயக வாலிபர் சங்கம், தமிழ்நாடு முற்போக்கு எழுத்தாளர்கள் சங்கம் மற்றும் இந்திய மாணவர் சங்கம் ஆகியவை இணைந்து கோவிலின் கருவறையில் செக்ஸ் லீலை நடத்திய அர்ச்சகர் தேவநாதனுக்கு கடுங்காவல் தண்டனை அளிக்க வலியுறுத்தி மாபெரும் போராட்டம் நடத்தினர்.

காஞ்சிபுரம் பெரியார் தூண் அருகே நடந்த இந்த போராட்டத்திற்கு மாதர் சங்க மாவட்ட செயலாளர் பிரமிளா தலைமை தாங்கினார். மாநில பொருளாளர் ஜான்சிராணி, இந்திய தொழிற்சங்க மய்ய மாவட்ட தலைவர் வாசுதேவன், மாவட்ட செயலாளர் முத்துகுமார், ஜனநாயக வாலிபர் சங்க மாவட்ட செயலாளர் சங்கர் ஆகியோர் முன்னிலை வகித்தனர். தமிழ்நாடு முற்போக்கு எழுத்தாளர்கள் சங்க நிருவாகி சுந்தர், இந்திய மாணவர் சங்க மாவட்ட தலைவர் மகஷ்சிங் மற்றும் நிருவாகிகள் பிரேமா, வசந்தா, புவனேஸ்வரி, மார்க்சிஸ்ட் கட்சியின் நகர செயலாளர் ஜீவா உள்பட 100க்கும் மேற்பட்டவர்கள் கலந்து கொண்டனர்.

மாநில பொருளாளர் ஜான்சிராணி கூறியதாவது: கோவில் என்பது புனிதமான இடம். அதுவும் கருவறை என்பது அதை விட புனிதமான இடம். அந்த கருவறையில் பெண்களுடன் செக்ஸ்சில் ஈடுபட்ட அந்த அர்ச்சகர் தேவநாதனுக்கு கடுங்காவல் தண்டனை விதிக்க வேண்டும். தேவநாதனுக்கு கொடுக்கும் தண்டனை தவறு செய்பவர்களுக்கு ஒரு பாடமாக இருக்க வேண்டும். காவல் துறையினர் மெத்தன போக்குடன் செயல்படாமல் துரிதமாக செயல்பட்டு தகுந்த ஆதாரங்களை திரட்டி தேவநாதனுக்கு உரிய தண்டனையை பெற்றுத் தர வேண்டும். இவ்வாறு அவர் கூறினார்.

சேலம் சாமியார்

சேலம் சின்னத்திருப்பதி கொள்ளக்குட்டை ஏரி எழில்நகரில் வாடகை வீட்டில் வசித்து வருபவர் ஜி.எம்.வேலு (வயது 29). இவரது சொந்த ஊர் திருச்சி மாவட்டம் துறையூர் ஆகும். கடந்த சில ஆண்டுகளுக்கு முன்பு வயிற்று பிழைப்புக்காக சேலம் வந்த அவர், அங்குள்ள சாலையோரக் கடையில் (பரோட்டா போடும் மாஸ்டர்) வேலை பார்த்தார்.

இந்த நிலையில் அந்த கடையின் உரிமையாளரின் மகளான தனலட்சுமியை திருமணம் செய்து கொண்ட வேலு, எழில்நகரில் மனைவியுடன் வசித்து வருகிறார். வேலு, கடையில் வேலைபார்க்கும் போதே பலருக்கு குறி சொல்வது வழக்கம். தான் குடியிருக்கும் வீட்டையொட்டி ஆசிரமம் அமைத்து குறி சொல்லி வருகிறார்.

அவரது வீட்டுக்கு குறி கேட்க சேலம் மட்டுமின்றி திருச்சி, கோவை, சங்ககிரி, ஓமலூர் உள்பட பல்வேறு பகுதியிலிருந்து பெண்கள் கூட்டம், கூட்டமாக ஆட்டோ, வேன்களில் வருவதுண்டு.

வெள்ளிக்கிழமை, சனிக்கிழமை மற்றும் அமாவாசை தினங்களில் வேலு அருள்வாக்கு கூறி, குறி சொல்வதை வழக்கமாக வைத்திருக்கிறார். நேற்று சனிக்கிழமை என்பதால் பல்வேறு இடங்களில் இருந்து வந்த பெண்கள் வேலுவிடம் குறி கேட்பதற்காக மண்தரையில் அமர்ந்திருந்தனர். உடன் அவரது மனைவி தனலட்சுமி மற்றும் உதவியாளர்களும் இருந்தனர்.

இந்த நிலையில் வேலுவின் பக்கத்து வீட்டில் குடியிருக்கும் முனியம்மாள், அவரது மகள் அலமேலு மங்கை உள்பட சிலர் திரண்டு வேலுவின் சாமிகூடாரத்துக்குள் நுழைந்து, இவன் போலி சாமியார், நம்பாதீர்கள். கடந்த 2 நாள்களுக்கு முன்பு அமாவாசை தினத்தில் மந்திரித்த தாயத்தை காலையில் புதைத்தார். பெண்களை ஏமாற்றி மயக்கிவிடுவார் என கூச்சல்போட்டார். இதனால் அங்கு பரபரப்பு ஏற்பட்-டது.

அப்போது முனியம்மாள், சாமியார் வேலுவின் உடம்பில் அணிந்திருந்த அங்கவஸ்திரத்தை பிடித்து உலுக்கினார். அதை சாமியாரின் மனைவி தனலட்சுமி தடுக்க இருவருக்கும் இடையே தள்ளுமுள்ளு ஏற்பட்டது. ஒருவருக்கொருவர் குடுமிபிடி சண்டை போட்டுக்கொண்டனர்.

மேலும் அங்கு பூஜைக்காக வைத்திருந்த பொருள்கள் தூக்கி வீசப்பட்டன. தகவல் கிடைத்ததும் அஸ்தம்பட்டி காவல்துறையினர் விரைந்து விசாரணை நடத்தினார்கள். பிறகு வேலுவை விசாரணைக்காக காவல் நிலையம் அழைத்து சென்றனர்.

பெண்கள் குமுறல்

எழில்நகரை சேர்ந்த முனியம்மாள், விருதாம்பாள், அலமேலு, ராசாக்குமார் ஆகியோர் கூறியதாவது:

நாங்கள் குடியிருக்கும் பகுதியில் கடந்த சில மாதங்களுக்கு முன்பு வெளியூரை சேர்ந்த சாமியார் என்ற பெயரில் வேலு, செந்தில், மணி, வெள்ளையன் மற்றும் சிலர் வந்து குடியமர்ந்தனர். இவர்கள் எங்கிருந்தோ சாமி சிலைகளை எடுத்து வந்து, நாங்கள் சொன்னால் அப்படியே நடக்கும் என கூறி மிரட்டி பணம் வாங்கி வருகிறார்கள். மேலும் இவர்கள் திருமணமாகாத பெண்களுக்கு திருமணம் நடக்க ஏற்பாடு செய்வதாகவும், படிக்காதவர்களை தேர்வில் தேர்ச்சிபெற வைப்பதாகவும் கூறுகிறார்கள். அமாவாசையன்று சிறுமிகளை வரவழைத்து பூஜை செய்வதாக கூறி வீட்டை தாழிட்டு விடுகிறார்கள். எனவே, இப்பகுதி மக்கள் பீதியில் உள்ளோம். இந்த சாமியார்களால் பெரும் அசம்பாவிதம் நடப்பதற்குள் தடுத்து நிறுத்தி காக்க வேண்டும். இவ்வாறு அவர்கள் தெரிவித்தனர்.

சென்னை சாமியார்

சாமியார் ஈஸ்வர சிறீகுமார் மீது செக்ஸ் புகார் கூறிய ஹேமலதாவுக்கு சென்னை மருத்துவமனையில் மருத்துவ பரிசோதனை நடத்தப்பட்டது. நேற்று காவல்துறை விசாரணைக்கு சாமியார் ஆஜராகவில்லை.

சென்னை தேனாம்பேட்டையைச் சேர்ந்தவர் ஹேமலதா (வயது 30). இவர் சென்னை நகர காவல்துறை ஆணையரிடம் கடந்த செப்டம்பர் மாதம் புகார் மனு ஒன்றை கொடுத்தார். அதில் சென்னை அடையாறில் வசிக்கும் ஈஸ்வர சிறீகுமார் என்ற சாமியாரிடம் வேலைக்கு சேர்ந்ததாகவும், அவர் தன்னை மயக்க மருந்து கொடுத்து கற்பழித்ததாகவும், அதை வெளியில் சொன்னால் ஆபாச படங்களை இணையதளத்தில் வெளியிட்டு அசிங்கப்படுத்திவிடுவேன் என்று மிரட்டியதாகவும் கூறியிருந்தார். மேலும் பல முறை தன்னை மிரட்டி அவருடைய இச்சைக்கு பணிய வைத்ததாகவும் தெரிவித்திருந்-தார்.

சாமியார்மீது கற்பழிப்பு வழக்கு

இந்த புகாரில் அடிப்படை ஆதாரம் உள்ளதா? என்பது குறித்து விசாரணை நடத்துமாறு ஆணையர் ராஜேந்திரன் காவல் துறையினருக்கு உத்தரவிட்டார். அதைத் தொடர்ந்து உளவுப்பிரிவு காவலர் கொடுத்த அறிக்கை அடிப்படையில் மாம்பலம் காவல்துறையினர் சாமியார் சிறீகுமார் மீது கற்பழிப்பு மற்றும் கொலைமிரட்டல் வழக்குகளை பதிவு செய்தனர். மாம்பலம் காவல்துறை ஆய்வாளர் சரவணன் இந்த வழக்கு தொடர்பாக விசாரணை நடத்தி வருகிறார்.

2 நாள்களுக்கு முன்பு ஹேமலதாவிடம் காவல்துறையினர் விசாரணை நடத்தினர். விசாரணையில் அவர் கூறியவற்றை வாக்குமூலமாக பதிவு செய்தனர். அதைத் தொடர்ந்து ஹேமலதாவுக்கு மருத்துவ பரிசோதனை நடத்த முடிவு செய்யப்பட்டது. நேற்று முன்தினமும், நேற்றும் ஹேமலதாவுக்கு மருத்துவ பரிசோதனை செய்யப்பட்டது. எழும்பூர் மகப்பேறு மருத்துவமனை-யிலும், சென்னை அரசு மருத்துவமனையிலும் இந்த சோதனைகள் நடந்தன. மருத்துவ பரிசோதனையின் அறிக்கை விரைவில் காவல்துறையிடம் ஒப்படைக்கப்படும்.

சாமியார் ஆஜராகவில்லை

இதற்கிடையே இந்த வழக்கில் கார் ஓட்டுநர் ஆனந்தன், சாமியாரின் அடையாறு வீட்டு காவலாளி உள்பட 50க்கும் மேற்பட்டோரிடம் விசாரணை நடந்தது. மேலும் தியாகராயநகரில் சாமியார் தங்கியிருந்த அடுக்குமாடி குடியிருப்பில் வசிப்பவர்களிடமும், அங்குள்ள காவலாளிகளிடமும் காவல்துறையினர் விசாரணை நடத்தினார்கள். இந்த நிலையில், நேற்று சாமியார் ஈஸ்வர சிறீகுமாரை விசாரணைக்கு ஆஜராகும்படி காவல்துறையினர் கூறியிருந்தனர். ஆனால் நேற்று மாலை வரை அவர் ஆஜராகவில்லை.

நண்பர்களுக்கும் இலவச விமானப் பயணம்

2009-12-20T14:05:00.001+05:30

மத்திய அமைச்சர்களின் குடும்பத்தினர் மட்டுமின்றி நண்பர்கள், உறவினர்களும் இலவசமாக விமானத்தில் பயணம் செய்யலாம். இதற்கான திருத்த மசோதா மக்களவையில் நேற்று முன்தினம் கடும் அமளிக்கு இடையே குரல் வாக்கு மூலம் நிறைவேறியது.

இப்போதைய சட்ட விதிகளின்படி மத்திய அமைச்சர்கள் மற்றும் அவர்களது குடும்பத்தினர் மட்டும் இலவசமாக விமானத்தில் ஆண் டுக்கு 34 தடவை பயணம் செய்யும் சலுகை வழங்கப்படுகிறது. இந்த சலுகை மத்திய அமைச்சர்களின் உறவினர்கள் மற்றும் நண்பர்களுக்கும் விஸ்தரிக்கப்பட உள்ளது. அமைச்சர்களின் சம்பளம், மற்றும் பயணப்படிகளுக்கான திருத்த மசோதாவை (2009) மக்களவையில் உள்துறை அமைச்சர் ப. சிதம்பரம் 3 தினங்களுக்கு முன்பு தாக்கல் செய்தார்.

இதன்படி, ஒரு அமைச்சருக்கு இந்தியாவுக்குள் பயணம் செய்ய வழங்கப்படும் பயணப்படி அவருடன் அவரது மனைவி, சட்ட ரீதியில £ன குழந்தைகள் அல்லது தத்து எடுத்த குழந்தைகள், அவரை சார்ந்துள்ள குடும்பத்தினர், நண்பர்கள், மற்றும் உறவினர்களுக்கும் வழங்கப்படும்.

ஒற்றைப் பயணம் என்றால் அதிகபட்சமாக ஆண்டுக்கு 48 தடவையும், திரும்பி வரும் இரட்டைப் பயணம் என்றால் 12 தடவையும் அனுமதிக்கப்படும். தனியாகவோ அல்லது மொத்தமாகவோ இந்த பயணத்தை மேற்கொள்ளலாம். அமைச்சருடன் குடும்பத்தினர் சேர்ந்தோ அல்லது தனியாகவோ பயணம் செய்யலாம். ஆனால் உறவினர், நண்பர்கள், அமைச்சருடன் சேர்ந்து செல்லும்போது மட்டுமே சலுகையை பெற முடியும்.

இந்த திருத்த மசோதா நேற்று முன்தினம் மக்களவையில் குரல் வாக்கெடுப்பு மூலம் நிறைவேறியதாக சபாநாயகர் மீரா குமார் அறிவித்தார்.
------------------------------------------------
நம்மளோட வரிபணத்துல என்னென்ன கூத்து அடிக்கிறாங்க பாருங்க.
இதுகெல்லாம் எப்ப ஒரு முடிவு வரப் போகுதோ ?.

அமைச்சர் அன்பழகன் 88-வது பிறந்தநாள்: கருணாநிதி- மு.க. ஸ்டாலின் வாழ்த்து

2009-12-19T22:07:00.000+05:30

நிதி அமைச்சர் அன்பழகன் 88-வது பிறந்தநாளை இன்று எளிமையாக கொண்டாடி னார். இதையொட்டி அவ ருக்கு வாழ்த்துக்கள் குவிந்தன.

முதல்-அமைச்சர் கருணாநிதி தொலைபேசி மூலம் அமைச்சர் அன்பழகனை தொடர்பு கொண்டு பிறந்தநாள் வாழ்த்துக்களை தெரிவித்துக் கொண்டார்.

துணை முதல்அமைச்சர் மு.க. ஸ்டாலின் இன்று காலை கீழ்ப்பாக்கத்தில் உள்ள அன்பழகன் வீட்டுக்கு நேரில் சென்றார். அங்கு அவருக்கு சால்வை அணிவித்து பூங்கொத்து கொடுத்து வாழ்த்து தெரிவித்தார்.

அமைச்சர்கள் ஆற்காடு வீராசாமி, துரைமுருகன், வீரபாண்டி ஆறுமுகம், கோ.சி. மணி, பரிதி இளம்வழுதி, முன்னாள் மத்திய மந்திரி டி.ஆர். பாலு, தி.மு.க. மாவட்ட செயலாளர்கள் ஜெ. அன்பழகன், வி.எஸ். பாபு, காங்கிரஸ் சார்பில் சுதர்சனம் எம்.எல்.ஏ. மற்றும் முக்கிய பிரமுகர்கள், கட்சி நிர்வாகிகள் நேரில் சென்று வாழ்த்தினார்கள். போன் மூலமும் ஏராளமானோர் வாழ்த்து தெரிவித்தனர்.

-----------------------------

இன்றைய சூழ்நிலைகளில், எந்த ஒரு ஏச்சு பேச்சுகளும், சர்ச்சைகளிலும், வம்பு தும்புகளிலும் சிக்காத....ஒரு நல்ல அரசியல்வாதி.

அடுத்த தலைமுறைக்கு எடுத்தக்காட்டாக விளங்கும் அரசியல்வாதி.

பேராசிரியர் அன்பழகன் அவர்களை வாழ்த்த வயதில்லை...வணங்குகிறேன்.

------------------------------

வாடகைத் தாய் மோகம் : சென்னை வரும் வெளிநாட்டினர் அதிகரிப்பு

2009-12-19T18:55:00.000+05:30

குழந்தைகள் பெற்றுக் கொள்ள முடியாத வெளி நாட்டில் வாழும் இணையர்களில் பலர், வாடகைத் தாய் மூலம் தங்களது வாரிசுகளைப் பெற்றுக் கொள்ள சென்னையில் உள்ள சிறப்பு மருத்துவ மனைகளுக்கு அதிக அளவில் வரத் தொடங்கியுள்ளனர்.

திருமணம் நடந்து பல ஆண்டுகளுக்குப் பிறகும் குழந்தை பெற்றுக் கொள்ள முடியாத நிலை பல இணையர்களுக்கு உள்ளது. ஆண்களின் உயிரணுக்கள் போதிய அளவில் இருந்தபோதும், சில பெண்களின் உடலமைப்பில் கருத்தரிக்க முடியாத நிலை உள்ளதால், இவர்களுக்கு வாரிசு இல்லாமல் போகும் நிலை ஏற்படுகிறது.

இதைப் போக்க நவீன மருத்துவ வளர்ச்சியில் கணவனின் உயிரணுக்களை, ஒரு வாடகைத் தாயின் கருப்பையில் செலுத்தி வாரிசு உருவாக்கும் முறை தற்போது உலகின் பல நாடுகளில் பின்பற்றப்படுகிறது. இதற்காக வெளிநாடுகளில் வாழும் இணையர்கள் அதிக அளவில் சென்னைக்கு வரத் தொடங்கியுள்ளனர்.

குஜராத் மாநிலத்திலும், சென்னையிலும் பலர் இவ்வாறு வாடகைத் தாய்களாக செயல்பட்டு வருகின்றனர். மருத்துவ உலகிலே சிறந்த இடமாகக் கருதப்படுவது சென்னை. சென்னையில் உள்ள மருத்துவமனைகளில் இவ்வாறு வாடகைத் தாயாக இருக்க சம்மதித்த, சோதனை மூலம் தகுதி வாய்ந்தவர் என்று கருதப்படும் 30 பெண்கள் பதிவு செய்துள்ளனர்.

40 வயதைக் கடந்த அமெரிக்க நாட்டு இணையர்களுக்கு இவ்வாறு வாடகைத் தாய் மூலம் வாரிசு கிடைத்தது அவர்-களுக்கு மிகுந்த மகிழ்ச்சியை அளித்துள்ளது. வாடகைத் தாய் மூலம் குழந்தை பெற்றால் ஜெர்மனி நாட்டில் குழந்தைக்குக் குடியுரிமை கிடைக்காது என்பதால் ஏமாற்றமடைந்த ஜெர்மன் நாட்டு இணையர் நாடு திரும்பினர் என்று பிரசாந்த் கருத்தரிப்பு மய்ய மருத்துவர் கீதா தெரிவித்தார்.

வாடகைத் தாய் மூலம் குழந்தை பெற்றுக் கொள்ள அமெரிக்கா மற்றும் கனடா நாடுகள் அனுமதித்துள்ளன என்பதால், இந்நாடுகளில் இருந்து இதற்காக இந்தியா வரும் இணையர்களின் எண்ணிக்கை அதிகரித்து வருகிறது.

நன்றி:விடுதலை ஏடு.